康子妮冇包袱拒嫁有錢人

更新時間 (HKT): 2021.06.05 02:00
■康子妮與林曉峰離婚後,享受單身生活,但就好掛住兩個囝囝。

現年44歲的康子妮去年與林曉峰離婚後,跟大學同學做保險,短短九個月,她已經有自己的團隊,建立女強人招牌。康子妮日前接受《蘋果》專訪,坦言享受單身沒有包袱日子,但對兩個寶貝仔思念不減,更加珍惜母子情。康子妮指兒子不會追問媽媽戀事:「我哋唔講呢啲,大仔專注入大學,細仔永遠同我講音樂,反而佢哋會關心我有冇簽單,唔會問我識乜人。」她還透露會報讀耶魯大學遙距課程,稍後又會為業界搞音樂會,重操故業。

對未來情路,康子妮不愁寂寞,笑言隨時可以嫁個有錢人,「身邊朋友成日話搵個有錢佬嫁咗去啦,其實有幾難呢?今時今日我對自己有信心,但點解要咁做呢?鍾意一個人要慢慢認識,唔係有錢就一齊,有錢只係生活上舒服咗,我要幾多錢?啲衫係借,手袋來去都係用一個,唔通100個咩。」另外,康子妮在近日播出的ViuTV節目《中女唔易做》去米線店工作,前晚一集她由樓面轉去洗碗,結果手忙腳亂,令食店冧檔,要前輩出手相助。

娛聞樂陪你走遍全球追星,即Like「娛果」FB 專頁!
BannerBanner