胡楓怕被搶風頭採拖字訣 薛家燕誓衝上台做嘉賓

更新時間 (HKT): 2021.06.05 18:44

胡楓(修哥)今日到新城接受薛家燕電台節目訪問,他將在本月19日假紅館舉行演唱會,身旁的家燕姐笑指,去年已向他自薦做演唱會嘉賓:「佢聽到『哦、哦、哦』,哦到今年,我點都衝上台㗎!」修哥即鬼馬說:「我冇應承㗎!佢自己話嚟咋,因為我70歲開騷嗰陣,已經請咗家燕做嘉賓,唔好意思再麻煩佢,但係佢自己要嚟就唔關我事。」

醫生開綠燈

上星期修哥公開尋四哥謝賢,笑指對方失蹤,修哥笑謂已經忘記,家燕姐即指修哥上次開騷,也曾邀請四哥做嘉賓,但他不想搶修哥風頭才婉拒。修哥即「反擊」,指這次不邀請家燕姐,亦是擔心被她搶去風頭。修哥表示早前特地為演唱會,做全身磁力共振檢查,醫生表示冇需要擔心,令他很開心。

修哥又表示,家燕姐剛剛升呢做嫲嫲,直言自己看着對方長大,光陰似箭,家燕姐透露孫仔已有8磅多重:「個身長咗2厘米,而家搵緊人同佢改中文名。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner