李居明指政總「門常開」設計壞風水 預言7月係香港轉捩點

更新時間 (HKT): 2021.06.06 19:35
李居明指香港風水犯了七宗罪,其中一項就是政總的「門常開」設計。

堪輿學家李居明舊年曾經喺電台節目中,提議電視台播《龍珠》抗疫,就連玄學家麥玲玲聽見都要認輸,兼且甘拜下風。《龍珠》到底對疫情有幾大功效就唔知,不過嚟緊7月李師傅有新戲推出,而戲中李師傅就以風水同玄學角度剖析香港運勢,又話香港風水犯了七宗罪,其中一項就係政總的門常開設計,嚟緊7月亦會係香港重要轉捩點。

李居明以風水紀錄片為題材的新戲《大運同行》將會在下月上映,戲中師傅會同薛家燕、陳自瑤及傅嘉莉等,以風水跟玄學角度來剖析香港運勢,由於李師傅見近年香港運程麻麻,所以一直研究到底出咗乜問題,同埋要點化解。而最終李師傅發現香港風水犯了七宗罪,其中一項就係政總的門常開設計,亦特別到政總研究門常開喺風水方面嘅壞處,又會喺電影內講解若重建對香港未來是好還是壞。而佢又特別提醒大家6月要注意嘅事情:「6月6日乃黑色六月,對美元對股票不利,由6/6到7/8呢兩個月,股票市場動盪較大,不能掉以輕心。」

雖然6月係黑色,但李師傅就話7月對香港嚟講係重要的轉捩點,屆時香港將會走出困境同有運行。除此之外,李師傅又指未來20年「九運」將會對世界帶來重大影響,要面對戰爭威脅外,全球亦可能會爆發瘟疫。唔知到時又可唔可以睇《龍珠》化解呢?

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner