謝安琪推新歌開Live講感受 周國賢突爆方大同拍拖

更新時間 (HKT): 2021.06.06 23:45
謝安琪一聽到周國賢提方大同拍拖,即時嚇到抱頭大叫。(IG截圖)

謝安琪(Kay)今年同麥浚龍完約後,回復自由身的她早前在社交網中公佈新歌《離不開》今日在個人YouTube頻道首播。歌曲上架後不久,Kay就開Live同fans交流感受,不過期間周國賢亂入,更爆出方大同正拍拖,嚇到Kay即時抱頭大叫。

Kay今晚在IG中開直播與fans分享自己對新歌MV的感受,在直播初段,《離不開》MV的男主角柯煒林(Will)突現身與Kay閒聊,他指因返公司時見到Kay開Live,故「走入來」Say Hi。當Will離開後,阿Kay又突然見到周國賢正在看直播,又即時將他加到自己的直播中,兩人就如閒話家常般一直傾偈,當周國賢問到Kay今次填詞填了多久時,Kay就表示自己一直填一直改,其間提到音樂的後期在外地制作,該公司是方大同介紹的時候,周國賢突然爆出一句:「話時話佢點呀而家?好想知佢啲嘢喎,我最近聽唔知邊個講話佢拍緊拖,我想求證!」周國賢一講完後,即時嚇到Kay抱頭大叫:「喂呀!」而周國賢又笑着問:「係真㗎?真係有呀?」Kay聽罷後口窒兼擰頭話:「我唔知呀,我……冇呀,我唔知呀!」

雖然周國賢講完後表示自己係亂講,不過一眾網民即時留言問「係咪真㗎」以及叫佢「爆多啲」,非常好笑。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner