胡楓驚薛家燕搶風頭

更新時間 (HKT): 2021.06.06 02:00
■胡楓快將開騷,薛家燕表示去年已自薦做嘉賓。

胡楓(修哥)昨日到新城電台接受薛家燕訪問,他將於本月19日在紅館開騷,家燕姐自爆去年已自薦做嘉賓:「佢聽到就哦、哦、哦,哦到今年,我點都衝上台㗎!」修哥即鬼馬說:「我冇應承!佢自己話嚟咋,因為我70歲開騷嗰陣,已經請咗佢做嘉賓,唔好意思再麻煩佢。」

修哥上星期公開尋「失蹤」四哥謝賢,但他昨日竟表示已忘記,家燕姐謂修哥上次開騷也曾邀請四哥做嘉賓,但四哥不想搶修哥風頭才婉拒,修哥即搞笑說:「我唔請家燕,都係驚俾佢搶風頭。我仲做埋全身磁力共振檢查,醫生話冇嘢要擔心,我好開心。」另外,剛榮升嫲嫲的家燕姐透露,孫仔已重八磅多,她笑言:「𠵱家搵緊人同佢改中文名。」

娛聞樂陪你走遍全球追星,即Like「娛果」FB 專頁!
BannerBanner