胡子彤主動示愛搵鄭中基拍HeHe片 《遺愛》帶住心心眼寸偶像

更新時間 (HKT): 2021.06.06 20:33

電影《遺愛》由新晉導演馮智恒執導、年輕演員胡子彤、陳漢娜(Hanna)、陶禧玲(Carol)主演。前輩級演員鄭中基(Ronald)演警探,在戲中他有一句對白,強調不要再放棄年輕人,現實中Ronald力撐娛樂圈中的新力軍,之前在中環海濱公園的演唱會撐年輕歌手,認為香港樂壇不會死,這次Ronald不收酬勞參演《遺愛》。

早前馮智恒、胡子彤和Carol在灣仔接受訪問,三人表示跟Ronald合作獲益良多。Ronald完成中環海濱公園舉行的演唱會後一星期,便參與劇本圍讀,當時Ronald已經做準備工夫,馮智恒在片場感受到Ronald出心出力的幫助:「由講對白語氣、走位都預埋,預備所有嘢,呢啲演員難能可貴。有時我拍到好攰走埋一邊休息傾吓偈,突然見Ronald哥喺我後面睇其他機組人員擺位,而我就喺度發呆。」他拍這戲時希望找到一位有父愛又明白遺憾的人,Ronald是最值得信任能演好這個角色。

在電影海報上,Ronald擁抱着Carol,給她鼓勵和關懷;在片場中,他輕易地帶Carol入戲。Carol說:「佢其實係好沉穩,會令你放心,有時會搞笑,但唔係暴龍哥嘅方式,令大家好安心,好有暖男爸爸嘅感覺。有場對我嚟講係重頭戲,我覺得自己做咗唔應該做嘅事,向佢自白唔應該令人失望,一開始我好驚,怕會NG。但佢一坐喺度成身就係戲,已帶我入嗰個狀況,令我代入角色。」

胡子彤坦言Ronald是自己偶像,回想初次見面,懇求經理人穿針引線為二人合照。之後他更跟Ronald的經理人湘姐透露是Ronald的fans,被取笑「基」味甚濃,但他直言不介意,更會主動表白。這次遺憾沒有太多對手戲,期待將來合作與偶像擦出火花,做任何角色也不介意,甚至包括演同性戀:「我同佢拍嗰幕戲係要寸佢,但內心我係心心眼,不斷讚佢好charm。」他更對着鏡頭向Ronald自薦:「我隨時都得,Ronald哥,我等你,我愛你。如果再合作,我做乜嘢角色都得。」

首部劇情電影計劃得獎作品

《遺愛》由真人真事改編,講述多年前一對情侶因愛成仇,最後釀成悲慘殺人案件,馮智恒希望藉此帶出一個啟發,希望這類型的悲劇不要無限「輪迴」重演,從此讓類似經歷的家庭逃離宿命,把悲劇減至最低。胡子彤跟Hanna演情侶,Carol是二人的愛情結晶品,戲中胡子彤與Hanna很多爭執場面,因Hanna外型瘦弱,眾人都怕她會拍到受傷。最後一幕二人攤牌,需要爭執拉扯,胡子彤連續被Hanna不留力地掌摑20個take,他說:「留力唔係嗰個感覺,拍嗰陣都話盡去,都被打到無感覺,佢纖纖玉手打打打,我唔係好痛,反而佢打我佢痛啲,我就有啲唔好意思。」

電影是香港「首部劇情電影計劃」第四屆專業組的得獎作品,獲政府資助500萬拍攝,馮智恒沒正面回答超資多少,但感激整個團隊落力協助完成拍攝。雖然用到政府資金,但幸運地沒有阻礙創作自由,馮智恒說:「件事由2018批、到2019年3月開拍,我哋呢個計劃見評審,8個成員,7個電影人、1個係政府官員,政府官員一句嘢都冇講過,好順利,只同我講『拍好套戲,唔好超資』,之後再無同我講其他嘢,多謝電影發展局。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner