《濁水漂流》上映3日破百萬票房 導演李駿碩晒同《手捲煙》陳健朗中學照

更新時間 (HKT): 2021.06.06 18:46

近年香港湧現不少90後的幕後製作人,他們的創作更不容小覷,好像電視界有近期人氣爆燈的Mike導(劉諾衡),而電影界近期有《濁水漂流》的導演李駿碩及《手捲煙》導演陳健朗,大家都支持本土製作。剛剛於周四(3日)上映的港片《濁水漂流》由吳鎮宇、李麗珍主演,上映僅3日票房已收113萬,成績不俗。今日正在戲院跑謝票場的導演李駿碩向《蘋果》表示︰「《濁水》喺周末票房顯著有上升,多謝觀眾支持,網民都有開post討論部戲,好開心。」

昨晚他在其facebook貼了一張與同校的《手》片導演陳健朗的中學時代舊合照,兩人樣子十分青澀且同是四眼仔,而李駿碩搞笑地形容這張相是「識咗十幾廿年黑材料總會有點」。今日他向《蘋果》表示,跟對方是英華書院同學,他說︰「同佢識咗差唔多廿年,識佢時我讀中二,佢讀中三,多年後大家仲堅持緊夢想係好難得,今個月大家都有唔同風格嘅作品面世,好開心。」

至於今年30歲的《手》片導演陳健朗向《蘋果》表示,他比李駿碩大一年︰「我哋喺學校嘅drama club認識,我多數做導演同演戲,文本少接觸,而佢就係編劇。中學之後大家聯絡少咗,入電影圈先撞返,幾有緣份。」而《手》片將於月中上映,亦是陳健朗首部執導的作品,他表示有點緊張,但以平常心來面對,他更謂︰「大家嘅作品都係6月推出幾有緣份,證明大家努力創作,由以前參與drama club到而家終於有作品成為電影,幾開心。」

至於兩人將來有否合作機會?他說︰「希望啦,睇緣份,實有機會。」他亦在facebook為《濁水》宣傳和打氣,他指不論電影圈或是社會都要團結,大家都是有心創作電影的,所以要互相欣賞,一齊進步。談到近年港人支持本土製作,尤其一班90後幕後人冒起,都獲廣泛關注,陳健朗表示︰「唔同generation、唔同嘅背景,作品都會有唔同嘅影響。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner