花姐直認內部曾存芥蒂競爭 說服鏡仔團隊為先:如果唔係MIRROR會散

更新時間 (HKT): 2021.06.06 17:16
花姐指鏡仔雖然心存芥蒂,但亦會體諒他們。

人氣男子組合MIRROR早前與梁祖堯在梅窩宿營拍攝的ViuTV節目《調教你MIRROR》將於明晚首播,今日梁祖堯、花姐與缺少Edan下的MIRROR在九龍灣出席記者會。活動中,花姐指12子有反叛期,所以促成這個節目。

阿祖表示大家看過《調教》後,會愛MIRROR更多,花姐即說:「我睇咗9集,我係愛佢哋更多,而且我係忍唔住喊,所以我唔會同佢哋一齊睇,因為我唔想佢哋見到我軟弱嘅一面。」阿祖指花姐向來都好感性。「調教」後的MIRROR,花姐指的確有不同的地方:「初初調教完出嚟,我係好唔習慣,甚至有唔開心,因為12個嘅團結令到我有壓力,我會冇得反抗,後來再相處,以前嘅MIRROR對我來講係一個工作,係一個負擔,調教完之後,同佢哋開工係一種樂趣,佢哋帶到好多歡樂畀我。」

阿祖為Lokman感心痛

提到他們表示之前拍MV時曾提出過一些意見,最後被花姐拒絕,她解釋:「咁我都要把關嘅,如果佢哋話要就要,炒咗我都得啦!其實我冇佢哋講到咁慈禧太后,我都會聽佢哋嘅意見,真心講,我都想『調教花姐』,因為我睇完佢哋嘅成長,我好羨慕,個人變得咁正面。阿祖即說:「呢個未必使拍出嚟,我哋私底調教。」

阿祖還指傾過偈才知道,原來「隊長」一職會令Lokman甚有負擔,「佢一路喊一路話好掛住以前嘅自己,我覺得好心痛。」提及12子曾指以前存有芥蒂和競爭,花姐直認不諱:「我知㗎!為咗呢件事,我哋內部開過好多次會,我同個別(成員)亦都傾過偈,我覺得件事係好平常,因為大家嘅發展都唔同,大家有比較,內心一定有少少唔舒服嘅位,我係會體諒佢哋,唔開心會令到佢哋表面上一齊做嘢,但其實佢哋好似好冇交流,我話做團隊唔可以咁,如果唔係MIRROR會散,但係傾過好多次都冇辦法解決呢個問題,經過調教,佢哋真係真到不得了,但又唔會得罪對方。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner