姜濤首次現場唱《孤獨病》:前一排唔夠相信自己

更新時間 (HKT): 2021.06.06 00:01
Serrini與Ian在台上合唱時手拖手,Serrini聲明事前有問過花姐,得到對方批准後才拖。

ViuTV今日在旺角麥花臣場館舉行《CHILL CLUB:A New Stage》音樂會,出席歌手有在《CHILL CLUB推介榜年度推介》中得到男女歌手金銀銅獎得主林家謙、姜濤、陳卓賢(Ian)、林二汶、Serrini和Gin Lee。

音樂會上,Serrini與Ian邊手拖手邊合唱《致姍姍來遲的你》後,Serrini便獨唱《網絡安全隱患》,這時大部份觀眾都站起來跳舞及揮動手上的棒棒。及後Serrini與林二汶、Gin Lee合唱MIRROR的歌曲《IGNITED》。

姜濤指要相信自己

當小休後的姜濤出場唱《Master Class》時,現場歌迷即不停大叫,歡呼聲震懾全場,之後他說:「我要相信自己,前一排可能唔夠相信自己,所以我好多謝《CHILL CLUB》畀我唞咗咁耐,先至出嚟公開活動,以下呢首歌我從來冇喺公開場合唱過。」隨即就獻唱《孤獨病》,不過姜濤似乎未在狀態,他唱到有點不夠氣,接着獻唱《一號種籽》。及後到了合唱環節,6位歌手分別上台合唱。

在TVB節目《聲夢傳奇》擔任導師的Gin Lee,獨唱部份被安排在「尾二」出場,她唱出《喘息空間》後說:「呢part係講我好享受孤獨,可能我係呢方面嘅專家,因為我人生有3分1嘅時間都係獨處。」接着她唱出《今天終於一人回家》,以及與林家謙合唱《人間鬍子》和《聽風》。林家謙走到中間的舞台,邊彈邊唱《Another Day》,唱完後他表示:「四面台,正喎,呢首歌係《一人之境》嘅國語版,第一次唱,我放好多自己嘅感受喺自己啲歌度,希望大家透過我啲歌了解我更多。」之後他唱出《just carry on》,最後他與林二汶合唱《Rainbow Collection》及《好天氣》結束今次音樂會。雖然觀眾遲遲不肯走,大叫encore,但大家見台上沒有反應,才肯陸續離場。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner