陳積榮追思會丨古天樂張敬軒送花牌悼念 孫慧雪盼幫Jeff完成遺願

更新時間 (HKT): 2021.06.07 14:28

無綫前藝員陳積榮(Jeff)上月15號患肺癌病逝,終年38歲。陳積榮於2014年參加TVB藝員訓練班,先後在TVB和HKTV拍劇,去年確診患上第四期肺癌,最終不敵癌魔,陳積榮追思會於今午1點半在尖沙咀聖安德烈堂舉行,場內有一本《記住我們Jeff Chan》紀念冊,記載Jeff與一些生前好友相處點滴及生活照,其中一張是赤膊上身,亦有女友及親友等合照。

陳積榮生前一眾好友包括駱振偉、孫慧雪、謝珊珊、鄧永健、關浩揚、容羡媛為好友任治喪委員,其中駱振偉和容羡媛和陳積榮是大學同學,他們是十幾年老友。幾位一同接受訪問時說起與陳積榮點滴,駱振偉說:「我哋唔係工作上認識,太多回憶,例如平日打麻雀、玩樂,睇返啲舊相係好開心,Jeff係一個充滿正能量嘅人,成班朋友都好懷念佢,佢永遠都係照顧人哋多過自己,今次佢打呢場仗同時希望畀患者知道呢方面更多資訊。」

孫慧雪和陳積榮為藝員訓練班同學,相識16載友誼深厚,她透露幾位好友為陳積榮完成未了願,「我哋會努力完成佢嘅電影作品,佢喺一年內寫好一個劇本,係關於演員訓練班故事。」而陳積榮女友將於8月舉行相展,紀念已故男友,大家希望分享正能量,阿雪說:「佢希望患病嘅人唔好放棄,呢段時間佢都好開心,感受到好多愛,多謝大家對佢嘅關顧。」

紀念冊方面則由訓練班同學鄧永健負責統籌,鄧永健說:「Jeff屋企人意願,想製作一本小冊懷念佢,所以就問身邊朋友攞相組合成呢本小冊,希望大家記住Jeff嘅好。」此外,一眾娛樂圈中人包括古天樂、張敬軒、胡定欣、艾威及20期藝員訓練班等都有送上花牌致意。

大學同學駱振偉在紀念冊寫長文悼念Jeff,稱讚他為人心地善良、最樂觀,相信Jeff守護在朋友身邊,「大學認識你,一齊上莊、一齊癲、一齊住Hall,我哋一齊成長。睇住你送金沙識女友,睇住你報名參加藝員訓練班,我哋一齊參加TeenPower選拔賽,你睇住我參加新秀,我哋一齊做舞台劇,我哋一齊出show,我仲記得唱《愛是懷疑》,然後你開電影,你搵我一齊拍,我哋一齊經歷嘅嘢太多啦,所以嚟緊我哋都一齊走落去,好冇先?我知道以後每一次台上嘅演出,你都會喺我身邊。我知道以後每一場戲,你都會同我一齊做我哋以後就一齊行啦」。

《東張西望》主持容羨媛亦有撰文:「最後一日去醫院探你嘅時候,我以為你會好返㗎!我永遠都記得,你好大力咁睜大隻眼望住我,我唱歌畀你聽,同你傾偈,畀我嘅太陽能你,仲將我哋33所有愛,同支持都畀晒你!我知道,你已經收到!以後我哋33有你做我哋嘅守護天使!你永遠都會喺我哋身邊,每一個活動,你都唔會再缺席!」此外,藝訓班同學孫慧雪亦寫道:「知道你要遠離痛苦做天使,但仍然是十萬個不捨得,約定和你來日在另一國度,再度聚頭追夢,然後笑話當年!我們都愛你」。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner