出櫃尋愛:獨缺一個男人

更新時間 (HKT): 2021.06.07 02:00
■洪朝豐自覺生命圓滿,但獨缺一個伴侶。

經歷過高低起跌的洪朝豐,有甚麼心聲要傾訴呢?他表示:「哈哈哈,早排睇咗無綫新聞部1986年訪問我嘅節目,嗰陣時我26歲,睇返自己後生充滿理想,然後理想又幻滅,想做歌唱家但起步太遲,回憶返自己都過咗大半生,我好多樣嘢都試過,首先係無愧此生,生命裏面充滿缺憾,但有缺憾才有圓滿,我嘅生命係圓滿,但獨缺一個男人。」

去年宣佈出櫃的洪朝豐仍在尋覓愛情,未搵到男朋友的他,現仍跟前妻葉桂好同住,他說:「佢仍然照顧我嘅起居飲食,好感激,兩夫婦離婚超過30年,佢仲全面照顧我,係好大福份。」至於兩人的獨生子洪葉,現於英國工作:「佢做網頁設計師,鍾意英國生活,選擇落腳。跟囝囝移民?唔會啦,哈哈哈,呢個歲數嘅人過去可以做乜,除非你自己創業啦,已經係退休年紀,我又唔願意去洗碗、做收銀,所以我冇諗住去。」

娛聞樂陪你走遍全球追星,即Like「娛果」FB 專頁!
BannerBanner