楊立門4日內開兩款騷 自嘲精神分裂 冀開Part 2還飛債

更新時間 (HKT): 2021.06.08 20:09

歌手楊立門下周二於文化中心舉行演唱會,今天他聯同嘉賓何婉盈與「小龍女」龍婷於觀塘彩排,今次是其公司在疫情放緩後首個演唱會,楊立門表示既興奮又感到壓力,他說:「已經等咗年半,加上我有個音樂劇喺呢個星期六做,要一齊排練,兩個騷只係相隔幾日。」他笑言音樂劇是歌劇元素,兩個騷用上不同的演繹方法,有點精神分裂,他笑說:「兩邊唱嘅方法、發音部位都唔同,要分開個腦嚟做。」問到可要特別養聲?他說:「我自己唔會特別戒口,辣都照食㗎。」楊立門又謂今次演唱會只開一場,身邊不少朋友也買不到貴飛,一身飛債,問到會否開part 2還飛債?他說:「希望啦,都要睇公司安排。」

而擔任嘉賓的何婉盈也難撲飛,她說:「有前輩問我有冇2張飛,最後都冇辦法。其實我哋已經合作過好多次,但演唱會合作就第一次,仲要係第一次合作就唱英文歌。」經驗豐富的龍婷就謂首次跟楊立門在演唱會合作,同樣感到興奮。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner