花姐自爆與Ian經常嘈交 搵梁祖堯幫忙「Open Up」

更新時間 (HKT): 2021.06.08 18:52

由梁祖堯及MIRROR拍攝的ViuTV真人騷《調教你MIRROR》在昨晚正式首播,首集播出,惹來不少迴響,有人嫌節目只播映半小時「唔夠喉」,亦有人笑言上次《MIRROR GO》的陰影似乎仍存在,「佢哋啲心理陰影面積大到唔識計呀」。

今晚播出的第二集主要講述他們入camp情況,阿祖說:「每一間房都要猜『包剪揼』,輸咗嗰個要開篋!」接着到阿祖問「呢個係乜嘢杯」、「抽條底褲出嚟畀大家睇吓」,睇到畫面打上格仔,令大家帶來無限遐想!

到明晚播出的第三集, 被認為頗有戒心的陳仔(Ian)先行出場,他認為MIRROR並不如初成軍時那麼齊心,「力量比起我哋成軍第一個演唱會薄弱咗」,全因大家需要兼顧各自工作,令眾人步伐不一致。花姐希望今趟旅程,阿祖可以幫Ian「Open Up」自己。

花姐直言Ian有幾個地方令她感到擔心,「佢令人覺得同佢有好大距離,呢個距離連我同佢都有!遇到問題或者唔開心都唔會講,咁樣容易令人有誤會」。她自爆經常跟Ian嘈交,阿祖亦覺得他非常保護自己,有點難搞,阿祖安排Ian和Jer到麵包店跟老闆阿Kit學整麵包,原來老闆是Ian的忠實fans。過程中,她一句Hit中Ian,令他心情有點複雜。 而媽寶Edan、姜濤和Anson Lo將會落廚,未知會否撇甩「地獄廚神」稱號!

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner