調教你MIRROR丨阿祖唔信MIRROR冇衝突:畀個機會諗吓相處係啲咩嘢

更新時間 (HKT): 2021.06.08 00:00

萬眾期待的《調教你MIRROR》今日終於播喇!節目一開始導師梁祖堯先剖白:「我要帶佢啲故仔出嚟,私底下我會覺返啲俾佢哋聽,有一個空間,畀呢班人或者我自己,諗吓相處係啲咩嘢,佢哋有改變,我自己都會改變。」、「遇到咩困難、社會俾到咩煩惱都好,唔好唔記得點解12個人會喺埋一齊。」

整個節目的Day 1原來在去年《全民造星III》總決賽開始,阿祖說當時所有MIRROR成員都未知到有節目,阿祖指認識部份成員,但好多都唔識:「姜濤、AK完全未傾過偈,最多都係打招呼。」他又在廠中扮偶遇,問MIRROR:「你哋覺得MIRROR紅唔紅。」收集意見。阿祖分享自己對MIRROR的印象,認為MIRROR「好多fans、忠心、半夜三更都仲有人等。」不過又說:「佢哋唔同質地,點可能冇衝突?唔怪之得花姐要咁保護佢哋,唔保護佢哋就會唔知飄晒去邊。」

MIRROR今次與阿祖去梅窩過12日宿營生活,12人分成4組在中環碼頭集合,阿祖在二樓偷聽、偷睇MIRROR集合情況,結果Lokman、Ian、阿Jer、姜濤遲到,隊長Lokman遲最多,他解釋因為塞車,而且太早集合令自己預計錯誤。阿祖邊聽MIRROR傾偠邊說:「佢哋對咗鏡頭太耐,冇辦法真係傾偈,假嘅啲嘢,無辦法都係做返節目啲嘢。」阿祖出發前再次剖白:「今次節目又叫《Be a better mirror》,一塊好啲嘅鏡,照埋去會見到你自己,如果你可以喺另外一啲人見到你自己,就會有動力繼續行落去。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner