鄭中基不收片酬幫助新導演 寄語要多給機會新人

更新時間 (HKT): 2021.06.09 21:00

由馮智恒執導、鄭中基、陳漢娜、胡子彤、陶禧玲、周祉君等主演的電影《遺愛》,今晚在圓方舉行首映禮,鄭中基指今次演繹一個好沉鬱的人,或多或少對自己都有影響,他說:「返到屋企我都盡量快啲瞓,老婆格言係『瞓啦,瞓咗就冇事㗎啦!』」

對於今次不收分文接拍,鄭中基解釋因為跟導演洽談劇本時,覺得對方很有火,內心世界很特別,會以顏色去區分。提到他近日拍攝吳君如監製的新片,君如指鄭中基原先打算不收片酬,但最後君如收到他的經理人田啟文電話,鄭中基笑說:「君如講笑啫,冇啲咁嘅事。拍戲係要有新導演出嚟,但我知香港係好難,因為好多人喺好高嘅位置,企咗喺度死都唔肯走。所以惟有畀多啲機會新人,無論導演、編劇、演員,唔畀佢哋試下又點知佢哋唔得呢,可能需要調教,但唔試又點知呢。」對於電影有份參與4個影展,鄭中基笑說:「恭喜導演,代表佢嘅想法得到大家認同。」

至於陳漢娜指在戲中被鄭中基欺騙,所以有場戲要掌摑鄭中基的戲份,她說:「我唔係好驚,場戲一定要咁做,所以冇得去驚,反而我寧願狠啲。」最後拍了兩take。胡子彤指鄭中基是自己的偶像,看他被摑都忍不住拍手掌,他笑說:「開心得嚟又痛心囉!」胡子彤透露因有太多內心戲,所以一度未能抽離角色,幸好好友凌文龍幫他走出困局。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner