世界級港女杜如風自爆冇性生活 執貨賴老花睇唔到Barcode

更新時間 (HKT): 2021.06.09 12:33

ViuTV真人騷《中女唔易做》今個禮拜進入結局篇,世界級港女杜如風和「全能媽咪」朱薰壓軸登場,在昨晚播出的一集,杜如風首日到網上超市打工,做理貨員上貨及執單,換上制服後,杜如風先被安排執貨,面對住排得密密麻麻的貨架,顯得有點手忙腳亂,不知從何入手。

同事Fanny負責教杜如風,即場教她用電話check貨物的存貨及所在位置,但她一時話自己有老花看不見barcode,一時又賴電話沒電,令她check不到貨,Fanny都忍不住說:「平時睇佢啲旅遊節目覺得佢好玩得,嘻嘻哈哈,見佢嚟返工有啲愕然,係咪真係得㗎?」之後杜如風被安排將貨物擺上貨架,但她的手腳相當慢,執到避孕用品時,她忍不住說:「其實呢啲出唔出得㗎?呢啲唔啱我,我冇性生活!」她更連衞生巾的size都搞不清楚,笑言自己已停經!

執了一陣子貨,杜如風又嗌攰,還索性將找不到上架位置的貨物,隨手放回紙箱並說:「我一路喺店度執嘢,將啲貨擺嚟擺去,我咪唔使做其他嘢?」但她的奸計很快就被識破,Fanny叫她要幫手執訂單送貨,最後她用了近18分鐘才完成一張訂單,比預計3分鐘執完貨的時間超出近6倍!

在今晚播出一集的預告片上,見到杜如風攰到「攤咗喺地下」,又見到客串做媒的Sarika,拎住一袋貨上門聲稱杜如風執錯貨並要求退貨,而鏡頭一轉,就見杜如風抹住眼淚說:「好感動,如果條片出街之後,我阿媽就唔會話我係一個不孝女。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner