Ah Gi終極目標同朋友夾Band

更新時間 (HKT): 2021.06.09 02:00

靚女KOL樊沛珈(Ah Gi)被封「黑面女神」,她早前接受《蘋果》專訪時為此解畫:「我笑嗰陣好樣衰,所以影相唔成日笑。我覺得呢個名幾特別,唔係負評已經好感恩。」她承認也有檢討空間,想知道為何令人有這種感覺。她又自爆小學階段是肥妹仔,自覺當時很醜,直到中學開始才注重儀表:「中學嗰陣唔算多人追,如果話冇就太假喇!」

現為YouTube頻道《啱Channel》成員的Ah Gi,自小想做DJ,對演戲也有幾分興趣,終極希望是和朋友組band。她坦言從前只想找份好工做到退休,但現在又覺得有目標想做就去做,不要遲疑,也不要令自己後悔。讓她改變的是12年前哥哥因交通意外離世,她說:「傷心程度實在太高,所有家庭成員都迷失咗。從來冇諗過第一次出席喪禮,竟然係自己親哥哥。當你經歷過呢種事,你會覺得好多事都唔再重要,意思係應該把握時間做自己鍾意嘅事。除咗作奸犯科,所有嘢都冇牴觸,趁有時間早啲做,電影、拍劇我會好樂於嘗試。」

娛聞樂陪你走遍全球追星,即Like「娛果」FB 專頁!
BannerBanner