洪永城宣佈結婚 準新娘Inez爆廁所被求婚過程:辦完大事Say Yes

更新時間 (HKT): 2021.06.10 12:41

37歲洪永城(Tony)在2019年承認與梁諾妍(Inez)拍拖,拍拖期間兩人屢傳婚訊,不過兩人多次否認。到今年初,洪永城終於鬆口,希望明年可以派雙封利是。今日終於傳出喜訊,兩人正式宣佈「我哋要結婚啦!」日前Tony和Inez還秘密地影了一輯極有創意又搞笑的結婚照。

Tony和Inez都熱愛運動,所以婚照都極具動感,衣着以簡約便服為主,其中一款是洪永城以白T恤配煲呔,Inez以背心T恤、 短褲加波鞋,兩人手拖手在運動場上興奮地跳起。而另一款則是在湖邊的溫馨鬼馬相,一身背包行山look,兩人雙手緊握在一起,寓意他們手拖手,今後一起笑住過。

即將成為人夫的洪永城今日回覆傳媒:「我喺年初已求婚成功,目前正着手籌備婚禮,計劃在今年內舉行,確實日子稍後公佈。」兩人分別在社交平台上宣佈喜訊,並分享結婚感受︰洪永城說:「由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居、到我們至愛Coco離世、到開工連晚安早晨都沒有機會同你講、到今日一齊攜手踏上我倆的新旅程好在有你,緊握我手我希望一世都有你在身旁追到你是我的僥倖,娶到你是我的福氣Let’s get Married!」

而梁諾妍則說︰「下半生手拖手,繼續一起跑下去,繼續跑去世界每個角落,感恩遇到你,常常帶給我歡樂,照顧我陪我通宵睇動漫睇網球比賽,工作上的互相扶持願餘生我們也要一起笑住過!#我們結婚啦 !」

談到求婚過程,Inez坦言回想在洗手間求婚過程笑到喊︰「佢嘅求婚過程係好好笑,好多蝦碌嘢發生,佢喺屋企個廁所度求婚,我覺得好好笑,不過好係佢嘅 style,成個過程我係笑到喊,不過都好感動,有晚佢拍完嘢返屋企,就入咗厠所一陣出嚟,跟住到我人有三急入厠所,佢又跟住我入廁所,當我打開廁所門,原來佢喺廁所度佈置咗有一個攝錄機,又喺洗手盆度放咗啲微型燈泡,又有一束鮮花,鏡上又貼咗啲心型卡,仲寫上MARRY ME?我好笑又感動,我問佢點解要喺洗手間求婚?佢話知道我一定會去洗手間,最好笑係佢拎隻戒指出嚟求婚時候,我話我真係好急,你等一等我去完廁所先,結果佢要等我辦完大事再求婚,我就Say Yes!」當時他們開心到笑不停!

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner