龍天生捲入配音員借貴利追數風波:借錢人搵唔到佢竟然諗到恐嚇我

更新時間 (HKT): 2021.06.10 14:29

曾經參與電影《嚦咕嚦咕新年財》及《審死官》的資深演員龍天生,從1990年代開始,轉戰幕後做配音導演和導師,成立「龍天生工作室」培訓新一代的配音員!近日他亮相幕前,參與TVB《好聲好氣》節目演出,想不到竟然發生不快事!

龍天生在工作室facebook專頁出post,表示近日收到恐嚇電話:「好無辜!早前做咗個《好聲好氣》節目,同位知名陳姓配音員同場。點知對方曾借貴利,借錢人搵唔到佢,竟然諗到恐嚇我,先在影藝人協會門外貼大字報、再加恐嚇電話,再寄恐嚇信到我屋企,最離譜就係在我所住大廈派大字報及在facebook 貼毀謗帖文。老實講,我同陳生同佢身為配音員之女友,只有數面之緣,何苦要咁玩我呢?報警之餘,惟有在此吐吐苦水。不過我行得正企得正,係相信邪不能勝正!」

有不少網民留言安慰龍天生,有人說「真係點諗都諗唔到會算到你頭上 ⋯ 會唔會以為你有糧要出畀佢而未出,諗住叫你直接代佢還錢?出入小心」、「奇怪點解追債人會有龍先生地址」、「閉門不出禍,禍從天上來,龍哥報警無咩用,對方有冇留電話?如果有嘅試吓打去同對方講清楚」,龍天生亦有回覆網民:「已報警,謝謝大家關心!」

龍天生今日回覆傳媒:「因已報案,仍調查中,詳情唔方便講。謝謝關心。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner