港姐尋親記丨林作提名19歲東涌羅浩楷讚對方有仙氣 無面男笑容勁心寒

更新時間 (HKT): 2021.06.10 19:55

一年一度港姐選美又開鑼,今日首輪面試和往年一樣,依舊是爭妍鬥麗的修羅場,來自各方佳麗懷着龐大自信心和無比勇氣,甘願站上台被人評頭品足。一如以往,今日吸引少數優質靚女去參加;但同時亦引來一班「非主旋律」女士,打算入電視城碰下運氣。雖然當中99%是素人參加,但細看下竟然搵到幾個似曾相識的樣子,其中東涌羅浩楷、無面男佳麗和將軍澳哨牙珍等人,雖然未必是大家心目中的港姐人選,但就給人帶來絲絲親切感。

原來東涌羅浩楷的提名人正是林作,林作今晚接受《蘋果》訪問時,表示對方中文名叫霍韻璇,英文名叫Kirsten,林作稱對方今年只得19歲。對於提名Kirsten,他說︰「我提名Kirsten嘅原因,係因為內心嘅美麗先叫做美麗,只要表面佛系,有佛相就得喇,Kirsten就係擁有呢份仙氣,你睇佢成個神仙咁嘅樣就知啦。」林作指有信心對方能成為大家心目中的港姐冠軍人選,亦希望藉此掀起一場女性風暴。「啲人成日淨係睇個胸,睇條腿同睇塊面,我哋應該從唔同角度去欣賞一個人,只要你懷住呢個眼光,咁Kirsten其實係正嘅!」

樂易玲讚質素高

佳麗樣貌各花入各眼,不過無綫高層樂易玲就大讚今屆港姐質素高,就算有紋身亦無妨,她透露大會將會舉行兩場決賽。她說:「我哋睇咗嗰啲資料,已經即刻話今次一定可以做到semi final,因為好難揀十零廿個出嚟,今屆質素好高。未見晒班女仔,今晚有zoom面試,有啲係隔離緊,今屆海外佳麗有廿幾個,有啲仲未嚟到香港。我哋啱啱計過今屆申請參選人數係489位,其實之前已經篩選咗先叫佢哋今日嚟面試嘅。」

而今屆港姐統籌經理何小慧,就透露準決賽將於8月22日舉行,並會出外景拍攝,但因疫情關係不會離開香港。大會希望起碼有25位候選佳麗入圍準決賽,如果質素好就增至30位。兩人又表示參選者的學歷都高,個個都大學畢業。至於決賽將於9月5日舉行。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner