周冠威慨嘆新電檢事後審查削弱投資意欲︰比中國電影業更加坎坷

更新時間 (HKT): 2021.06.11 21:04
周冠威感嘆香港電影審查制度。

今日商經局宣佈刊憲修訂《電影檢查條例》,港版國安法列入電影審查及分級工作的指引,引來業界關注。

曾拍電影《幻愛》、《十年》的導演周冠威,對於電檢加入新條款,他回應說︰「呢件事係雪上加霜,香港電影已經水深火熱。經濟上已經減少投資,單單以香港本土市場已經維唔到本,都係蝕錢收場。尋找資金已經困難,再加上咁樣條例,拍完之後審查,甚至因為『國家安全』咁抽象嘅文字,去判斷套戲是否能公映,不能夠公映就不能夠賺錢。拍咗咁多資金,到最後先話唔得,係好無保障。」

他認為今次電檢的新條款,比起大陸的審查制度更差,他說︰「對投資者係好恐怖嘅事,大大削弱投資資金係香港投資電影嘅意欲。對比起中國審查制度係更差,更具恐嚇同破壞力。原因係中國審查,多年嚟香港導演上去拍戲,係事前畀劇本,劇本審查OK先至拍,咩得?咩唔得?中國審查有明文規定,有得跟,而且係事前審查。」

談到大陸跟香港審查制度,分別在於大陸在開拍前審查,而香港拍攝完成後才審查,令香港電業界前景更坎坷,他說︰「而家香港情況冇審查制度嘅,唔會審查你個劇本,你拍咗先啦!拍完之後你唔畀我放映,呢個係事後審查。呢個事前中國審查制度,同呢個事後審查嘅香港電檢制度,我覺得係一個好大分別,估唔到香港電影業,要面對一個比中國電影業更加坎坷,更嚴苛嘅狀況。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner