陳偉琪完約離開大台轉戰賣火腿 性感出擊遇上波波對決

更新時間 (HKT): 2021.06.11 22:14

在大台處境劇飾「細龍太」的陳偉琪(Vicky)先後涉酒駕及與外籍男在酒店激嘴,一直被公司雪藏,解凍無期,索性另覓天下做生意,近日終於完約回復自由身,正式離開大台。

今晚陳偉琪性感出擊,現身中環一間夜場開幕活動,殊不知遇上對手——前公司《#後生仔傾吓偈》主持「波波」黃凱儀,同樣以內衣谷胸上陣,同場還有陳敏之、謝東閔、余德丞、劉晨芝等。

陳偉琪直認暫冇幕前通告兼且剛剛和大台完約,積極籌辦自己經營賣黑毛豬火腿生意,雖然剛剛起步但成績唔錯。她否認退居幕後,仍有意在幕前發展,只是未有其他工作招手,被問到不續約是否與連串負面新聞相關,陳偉琪無奈說:「唔知道,唔係自己決定同控制。」被迫離開《愛回家》大家庭亦有不捨:「始終做咗三年,睇住角色成長,約『假老公』(鄭世豪)出嚟食飯時會懷緬吓。」

波波以性感形象現身,她說有做足預防避免走光,是否轉型行性感路線?她笑說:「唔止性感,係健康線條,行出嚟有自信最重要,太暴露唔可以,做人最緊要有底線,唔可以觸犯。」

謝東閔韌帶撕裂

謝東閔近日積極備戰奧運特備節目,閉關練拳,導致傷痕纍纍,今早才去過醫院:「連日練習,今早發現右手出拳冇力又痛,去咗睇醫生,原來係韌帶撕裂。」他考慮會否退出節目,因為正式要休息幾個月:「但我自己係想打,花咗好多心機,落磅、跑步,當咗自己係拳手一樣去操練,而家要考慮吓先,最緊要安全。」

另外胡曦文在疫下工作不斷,除了擔任形象設計及手錶生意外,近日投資韓國品牌日用品,下月面世。忙得和男友婚期一直壓後,「訂婚都未得閒,原本希望去浪漫的地方,例如不丹、希臘,冇理由人生一次都唔浪漫,我同男友講叫佢求婚要求100次,而家一次都未成功,等佢再追吓先。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner