田啟文指國安納入電檢審查存在好多問號 黃秋生:回應都怕犯國安法

更新時間 (HKT): 2021.06.11 13:38

電影檢查將有新指引,除了之前要求暴力、恐怖、不雅用語、種族等是影片做審查及分級機制,日後連港版國安法也會納入做電檢審查新指引。

今日商經局發稿宣佈刊憲修訂《電影檢查條例》,將港版國安法列入電影審查及分級工作的指引,要求檢查員要留意影片中對可能構成危害國家安全罪行,或損害香港特區維護國家安全的行為或活動所作的描繪、刻劃或表現,亦要顧及其防範和制止危害國家安全行為或活動的職責,及香港居民維護國家主權、統一和領土完整的共同義務。如認為影片有可能構成危害國家安全的罪行,或對觀眾的影響可能會危害或危害維護國家安全,都不宜上映。

對於這個新修訂機制,影帝黃秋生今日回覆《蘋果》時說:「回應都怕犯國安法!」而資深電影人田啟文(田雞)今日也說:「我個人意見嚟睇,好多嘢其實未清晰。如以往電檢後有問題,片方係咪有上訴機制?睇電影都係好主觀感覺,當中係咪跌入煽惑,真係要問律師。除咗紀錄片,電影從來都係假象,係虛構內容,而家播出電影都會寫上『本故事純屬虛構,如有雷同實屬巧合』,虛構就唔可以當真,拍一部電影都想有人睇,相信投資者在商言商都唔會拍冇人睇嘅戲,同做啲犯法嘢,電檢修例最好有清晰指引或者列出一啲戲做例子。」田雞補充指電影《虎膽龍威》(Die Hard)中炸掉紐約摩天大廈:「咁Die Hard入面又係咪煽惑呢?仲有《拆彈專家2》又有冇事?佢炸咗成個香港,係咪又煽惑,我希望佢哋畀到guideline同sample。」

田雞指出如拍警片為例,「套戲就一定要有反派,咁差人先有嘢做。有關單位授予審查嘅人都係咪好清晰先,好多時電影話明係假嘅,如果係咁係咪唔拍得警匪片?萬一選材拍60年代故事,係咪唔講得『67暴動』,咁嗰時都未回歸,界線又係點?呢個條例仲係好倉卒,當中存有好多疑問。」田雞提到上映外國電影,若有反國家題材,又是否都不過檢,他續說:「我諗有關方面真係要多同業界溝通,始終牽涉好多問題,畢竟電影題材真係天馬行空。」

---------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner