調教你MIRROR︱ Tiger年紀最細變團隊隱形人 Jeremy今年失單飛機會陷低潮

更新時間 (HKT): 2021.06.11 00:04
花姐希望可調教同Jeremy關係外,亦希望對方可變得積極。(電視截圖)

ViuTV節目《調教你MIRROR》今晚(10日)播出第4集,MIRROR眾隊員經歷數天的相處和拍攝,已逐漸放低《MIRORR GO》的陰影和戒心。今集內容圍繞團隊中年紀最細的Tiger(邱傲然)和Jeremy(李駿傑)。Tiger在未參與節目前,花姐最希望梁祖堯可以幫他成為更進取的人,事關花姐認為他在團隊這兩年,由於自恃年紀最少,因此並不積極爭取表演機會,反而希望讓出機會給團隊中的大哥哥,這種想法令花姐很忟憎。花姐說:「其實佢當初參加《全民造星》時跳拉丁舞好charm,但往後有團隊活動時,佢就鍾意坐埋一邊唔出聲,好似隱形人咁同好似冇上進心咁,佢同我講話自己19、20歲,嚟緊仲有機會,但團入面有啲已經27、28歲,就算有機會都可以畀咗佢哋先,但係有時機會嘅嘢,係要自己爭取,如果過幾年MIRROR唔紅,咁連呢個機會都冇。」

在梅窩營地中,MIRROR各隊員輪流出來唱歌,對唱歌欠缺信心的Tiger,亦有對着鏡頭表示即使想單飛,但亦不是短期內的事,更認為自己要唱到團中的Ian(陳卓賢)、Jer(柳應廷)和姜濤的level,自己才值得擁有單飛的機會。不過當每人唱完一次歌,梁祖堯問誰人想唱多一次時,Tiger卻罕有主動舉手再唱,不過唱至中途,梁祖堯卻認為他要揀選一個對象唱給他聽,才會投入,結果Tiger坦言想唱給媽媽聽。Tiger唱完歌後,AK(江𤒹生)亦讚他在唱第一句歌詞時,已有明顯分別。而梁祖堯事後亦自責為何在之前沒有留意Tiger這個人,認為他悟性很高。「點解我當初留意唔到Tiger呢個細路仔?佢好有才華,而且聰明又敏感。」

Jeremy見Jer獲獎渴望出Solo

至於今集另一個被梁祖堯調教的對象,便是Jeremy,花姐對他的評價是要型有型、要妖有妖,但他亦有不足地方。花姐說:「其實每年年尾我哋都會揀人,到年頭出單飛,之前有同Jeremy講,如果佢達到某啲要求,就會今年畀佢出,而佢本身高音唱到,但聲音太薄,如果成首歌都用高音就會好刺耳,出單飛亦有啲冒險,所以暫時未有機會出單飛,而因為咁,Jeremy就跌咗落第二次嘅低潮。」花姐希望梁祖堯可以調教Jeremy有正面的人生觀,同時亦希望調教自己和Jeremy的關係。

至於Jeremy在節目中亦坦言希望獲得單飛機會,原因是他在1月1日見到Jer上台獲獎。Jeremy說:「作為MIRROR成員,見到隊中其他成員出Solo,會覺得大家差距越來越大,亦會出現負面情緒。其實頭兩年自己對Solo冇慨念,但今年1月1日見到Jer上台一刻,原來我都想做喎,都想獲金獎喎,想話畀大家知我叫Jeremy,希望今年自己繼續努力,可以有呢個機會。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner