楊洛婷倒瀉奶沙灘影大肚寫真 老公Tim坐水邊濕埋底褲

更新時間 (HKT): 2021.06.11 15:17

下月便生第二胎的楊洛婷,今年也是她跟老公、樂隊Dear Jane主音黃天翱(Tim)拍拖15周年,二人於是特別安排攝影師去影一輯浪漫大肚寫真相。還有一個月便「卸貨」,重了30磅的楊洛婷,肚圍44吋的她尚幸身手仍然靈活,他們日前就拉大隊去了一個沙灘取景,為了靚靚出鏡,楊洛婷穿上閃片紗裙,躺在水邊的石上擺甫士,上圍升Cup的她更笑言「倒瀉奶」。

楊洛婷和Tim是圈中模範夫妻,他們不時放閃貼出恩愛照片,這次拍攝,更是真情流露,Tim在鏡頭前後都對老婆呵護備至,sweet到爆。講到拍攝趣事,Tim今日接受訪問時說:「我知嗰日去沙灘拍攝,就帶咗白恤衫同黑色短褲去,埋位影相,攝影師叫我哋坐喺水度,我好自然坐咗落去,點知好快成條褲濕晒,連底褲都濕埋,影完先醒起自己冇褲換,要濕住返屋企。」Tim指當日拍攝時,剛有情侶路過望着他們拍照,待楊洛婷和Tim拍照後,馬上在相同位置,跟着他們的甫士打卡,十分搞笑。

楊洛婷表示跟Tim相戀時,他們會經常行沙灘睇日落和數星星,所以靚相主題就用回過去美好回憶片段做題材,楊洛婷說:「呢次影相最難就係Tim個期,佢近日又錄歌又拍戲好忙,仲要就埋天氣,影相嗰日,朝早都藍天白雲,點知等到中午入去沙灘,啲雲出晒嚟,老公就安慰𠱁番我,好彩啲相出嚟效果好靚。」

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner