調教你MIRROR丨梅窩事件第一視角 姜濤希望私追fans識分場合:要將心比心

更新時間 (HKT): 2021.06.12 00:02
(電視截圖)

《調教你MIRROR》今年4月時在梅窩拍攝節目時,因有大量fans拉大隊殺入梅窩,影響拍攝及當地居民,隊長Lokman帶頭和其他11位成員一字排開,勸fans離開現場。之後引發連串風波,有人指摘導師梁祖堯,又有人稱要棄追,又有人覺得花姐等經理人處理手法不公,最終花姐要在IG解畫。

《調教你MIRROR》今集終於講到「梅窩事件」,有追睇完5集的觀眾,應有留意到最初幾集沒有fans,不過今集起,終於見到有私追fans在營地外等待,之後陸續變多,阿祖分享時不滿:「呢度地理上有個唔方便,行出去任何食肆,都要步行15分鐘,呢個節目每一刻講嘅所有嘢,都有一個鏡頭影住,記錄晒佢。原本想喺街做正常拍攝,諗都唔好諗!喺街度行吓、傾偈,係做唔到,冇辦法真正傾偈,佢哋有咩私隱可以講?淨係可以返去綜藝mode!」

這日團隊原本在一間茶樓露天位飲早茶,但因為人多最後要返回室內,阿祖說:「原本係輕鬆飲,但實在避無可避,相信嚟緊fans係幾何級數上升。」

阿祖在節目多次強調要真心,MIRROR成員大講心底話,透露對生活受到過度的追蹤不滿,其中人氣王姜濤說:「希望大家識得分場合,如果大家真係聽到我心聲,care吓我感受、我身邊人感受。如果大家明白呢個道理,就自然唔做呢件事(私追)。」、「有啲場合真係唔鍾意,有啲試過住我哋隔籬房,真係太誇張。希望大家唔好再令我難做啦。」、「其實我私底下講過好多次,大家各自喺我身邊影相時都講過,希望大家睇完呢一part,將心比心,屋企人係咁教我,咁就唔會做呢個行為。」

團員多次透露,花姐曾指示不要親身出面勸走fans,要交由經理人出面,不過團員持不同意見,覺得自己亦有責任。雖然Edan覺得開口尷尬,但Lokman反對:「我覺得唔係尷尬,而家係工作,『你影響到我,點解唔晏啲先講?』」

Anson Lo說有次胃痛到整個人捲起,仍要答應私追歌迷要求。他說出道以來團內有聲音質疑是自己放風給fans,無形中變成壓力:「我覺得我係有責任,令我唔舒服之餘,亦令身邊人唔舒服。已經變到我見到私追唔係驚佢哋,要影相、簽名,係驚身邊人點諗,會唔會覺得係我call返嚟。」Anson Lo指近兩年都不斷傳出有人洩漏MIRROR行蹤的事,而矛頭更直指向他,他坦言沒有做過,說時顯得有點無奈和委屈。

之前「梅窩事件」引起不少風波,節目組兌現承諾,今集出街時有將在場的fans打格,節目最後以MIRROR勸走fans作結。

-----------------------------

蘋果App大升級 更簡潔更就手!了解更多立即下載體驗

娛聞樂陪你走遍全球追星,即Like「娛果」FB 專頁!
BannerBanner