› 選擇地區
三藩市
紐約
洛杉磯
其他美國地區
2009年07月09日
馬上成為壹會員

馮仁昭四圍超:洪子晴出碟 稱原諒大劉 - 馮仁昭

洪子晴(原名洪芷晴)噚日喺中環為慈善唱片《WalkwithLove》舉行記者會,佢以個人名義成立「洪子晴慈善基金」,會將唱片賣得嘅收益捐助慈善機構。活動有好多嘉賓撐場,除咗陶傑擔任司儀,仲有林利同胡渭康、蔡一智、白韻琴同魏秋樺等,連富商鄭裕彤都託人送獎金以示支持。洪子晴話同彤叔冇上契,大家只係友好關係。

送碟破冰

39歲嘅洪子晴喺多年前捲入富豪旅行團懷疑放風者嘅是非中,當時劉鑾雄(大劉)懸紅百萬追尋某女子嘅壞新聞,問洪子晴會唔會送碟畀大劉順便破冰?佢話:「自己冇嘢,但冇見過面,以前係一場誤會,或者你哋幫我送。我希望人建立和諧社會,做錯乜都應該原諒人。」問洪子晴所指嘅係咪劉生,佢話:「所有人都會做錯事,唔只佢,誤會一場,當時唔了解件事。」追問佢係指佢本人定劉生唔了解件事?佢哈哈三聲之後話唔再講。另外,魏秋樺以大露背兼紫色T-back性感打扮撐場,佢話:「天氣太熱,32度至着到咁。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載