中環在線:
蔣潔敏 股東喊你出嚟呀 - 李華華

更新時間 (HKT): 2012.09.05 05:20
中石油董事長蔣潔敏唔見咗人,的確令股東好擔心㗎。

噚日微博無端端瘋傳中石油(857)董事長蔣潔敏失蹤嘅消息,但中石油似乎唔多「關注」,發言人點都唔肯正面回應,只係放低一句「正常主持工作」。咁即係點?蔣潔敏喺邊?點解唔現身闢謠?家陣謠言滿天飛,有人話蔣總上個月去投標海外工程時,喺境外無故失蹤(定走佬?),亦有人話蔣總生病住院已有一段時間,雖然唔係癌症嗰類危疾,但病情唔輕,有人又喺微博度話造謠者披露緊真相,中石油相關人士唔好急住闢謠,「大家都懂的」云云。傳到咁,蔣潔敏其實好應該出嚟澄清吓,事關話佢走佬嘅指控相當嚴重,無端端做乜要走佬?又如果真係病重,公司就應該快啲搵人代佢,同向股東交代清楚,無論如何,蔣潔敏出嚟露一露面,就一天都光晒!

關心你飯碗,貼近你生活,即Like「蘋果ATM」FB專頁!
BannerBanner