【慈父現身】代兒付500萬首期 富爸爸:買樓要識投胎!

更新時間 (HKT): 2017.01.15 01:05

【更新影片】

陳先生今日同仔女一齊揀樓,成功以45號籌入市,以約一千萬元買入啟德1號2期一個兩房半單位自住。他話,單位落仔女名買,(咁做慳税?),「當然啦」,因他本身已有物業,買多間要付15%印花稅。(層樓送畀他們及幫畀首期?),「諗都諗到啦,大家用下個腦都諗到」,只做一半按揭首期付500萬元,但層樓就由他們自己供,月供兩萬樓下。陳生表示,其子女未夠30歲,已投身社會工作。

對於新一代買樓困難,他說,「一句講晒,趁早」,自己亦從來不擔心樓價會跌,大家又唔好對樓市睇得咁灰,「我同你講,我第一次買樓50萬起,20幾年前,而家仲企喺度...一句講晒,揸磚頭好過揸股票」。他又奉勸在場年輕記者,買樓要快手,尤其趁後生,否則蝕底只是自己。

講到加息,他就話,以前十幾厘息自己都係咁供樓,而家利息僅兩厘多,「好濕碎,你睇你地幾幸福」。而最重要的,就是當買樓後便會畀心機工作,否則「唔買樓一日咁hea啫」,買咗樓,人便變得有責任感,「早啲唔hea幸福就係自己」。

陳生講到自己買過四次樓,由一房換到四房,曾蝕過一半。他又建議年輕人點都要買樓,買間一房先,先賺第一桶金,否則連第一桶金都唔賺點起步。

有傳媒打趣地問,而家買樓首先要有一個像陳先生一樣的富爸爸,他認同,並笑言買樓要「識投胎」。

記者:朱連峰

關心你飯碗,貼近你生活,即Like「蘋果ATM」FB專頁!
BannerBanner