【鷹君爭產】孻仔羅啟瑞兩度哭訴:支持媽媽 我哋嘅嘢可以唔要

更新時間 (HKT): 2017.05.22 19:51

【新增影片】

鷹君羅鷹石孻仔兼新福港大股東羅啟瑞,自5月10日被踢出鷹君董事會後首次開腔,於新福港股東會後見記者回應爭產風波,並於提到父母時兩度落淚,對於媽媽羅杜莉君向滙豐信託出信,羅啟瑞表示:「媽媽要拎番(滙豐信託),我哋唔應該異議,即刻可以將我哋權益、馬上可以放棄,完全尊重媽媽意思,支持佢,我哋自己嘅野都可以唔要,點會爭產?」

羅啟瑞於接受訪問初時指出:「小小犧牲,為咗媽媽奔跑嘅話,在所不計,無所謂。」他指出,媽媽覺得滙豐信託唔遵從佢既意願,覺得不妥。「呢件事喺屋企裡面擾攘咗超過一年,大家都應該清清楚楚。」

羅啟瑞強調沒爭產:「如果坊間覺得我哋係爭產的話,對父母不太公平嘅評價…冇父母想自己一生人打拼出黎的財產而去爭執,絕對有違起初幹一番事業嘅意願,係對佢地名譽受損、好大既侮辱,所以我想澄清,我哋絕對唔係爭產。」

他眼帶淚光提到,父母六、七十年前已在香港打拼,形容「父親工作係非常勤奮,我哋望塵莫及」,「佢每日都工作,我哋每日4點半都一定同佢係公司開會,佢聽唔到我哋匯報,佢就唔舒服」,又指父親「一路咁工作,工作到好大好大年紀,直至到佢…唔可以工作,先至無返工」。

作為鷹君創辦人的羅鷹石,羅啟瑞亦強調鷹君集團的主要項目,如花園道三號、朗豪坊「絕對係佢治理期間拍板嘅」,又指花園道三號為例,「記得當日係六四之後,人心惶惶,佢翻來覆去,終於話27億拍板去馬」,而「我填寫個份標書嘅,銀碼大到我都幾乎唔識寫」。

羅啟瑞表示,對父母創造福澤非常感恩,「無父母的話,我哋絕對無今日咁富足的生活」,又指大家生活尚算可以,「絕對唔淪落到話要爭產」。

問到事件會否已影響兄弟間感情,他回應「我百分百assure,一日係兄弟,永遠都係兄弟,依個係無得改變的事實」。談到上周母親節,鷹君主席兼三哥羅嘉瑞見母受阻,他強調事件不合邏輯,因二哥羅旭瑞邀請媽媽到他旗下酒店慶祝母親節,大家完全支持,羅旭瑞更叫其秘書幫忙發電郵邀請全家人參加,但有兄弟因業務繁忙未能出席,但14日是歡迎大家參加的,質疑為何14日卻出現一個攔阻場面,這只是「一個搞笑」。

談到母親狀態,他更強調絕無隔離、禁錮等事,更舉例指羅嘉瑞細仔曾於5月5日致電羅老太,這段期間,羅老太亦接觸至少4至6名醫生,形容母親非常「清楚、精明」,又指她多次出現公開場合,若大家在街上見至她精神呆滯,應搵羅家或政府人員協助。

羅啟瑞最後指:「為媽媽奔波咗一年多,有好多感觸,母親節過咗一個星期,但係我趁呢個度,祝願天下母親,可以有孝順的兒女。」對於有記者追問是否三哥(羅嘉瑞)不孝順?他回應:「我都係學習緊孝順,一世人都係爸爸媽媽去照顧我,到今次我可以做少少事,好慶幸。」

記者:方楚茵

關心你飯碗,貼近你生活,即Like「蘋果ATM」FB專頁!
BannerBanner