【TVB】陳國強護股權架構:假如我出事 都要保障投資者

更新時間 (HKT): 2017.06.29 12:27

【新增內容】

TVB今日召開股東會,主席陳國強及副主席黎瑞剛均有出席,陳國強表示,由TVB陳國強、黎瑞剛等人持股的TVB股東Young Lion的所有股權架構,都要通訊及事務管理局(CA)批准,最大權力在於監管當局,「件事好簡單,咪諗到咁複雜,唔係想賣畀邊個都得,都要CA批准,都要申請。」

陳國強表示:「好多人都知我鍾意好多運動,我有乜事發生,都要保障其他人嘅投資,都好公道,大家都出左好多錢,都要有方案令公司繼續運行。」陳國強早前於挪威曾遇上直升機失事墮海。

對於TVB主要股東Young Lion的所有股權架構,陳國強多次強調,相關的架構早於7年前已經存在,「以前係美國基金,係的邀請黎總嚟代替左佢,所以架構已經有成7年以上,又冇乜大更改,或者有一啲人太敏感,點解以前美國基金就冇問題,其他人就有問題呢?」

至於股權披露的問題,黎瑞剛指,在香港做事情總要遵守當地法規,所以CMC、YL、TVB都要遵守、尊重香港的法規。他指,「陳先生剛剛講了,我加入YL是陳生先邀請我,我也很樂意來參與及貢獻資源,我加入YL所有的相關協議,之前的投資人是以什麼方式參與,我就是以什麼方式參與。至於如何評判,相信監管部門有自己的判斷。」

對於證監的裁決,李寶安以事件已進入司法程序為由拒絕評論,指通訊局會檢視公司的股權架構,「唔相信有任何抵觸」。

華人文化產業投資基金(China Media Capital、簡稱CMC)的誇媒體問題,副主席黎瑞剛表示,已做過評估;陳國強補充,申請黎瑞剛成為TVB董事方面,當時已申請了超過一年,法例亦足夠嚴謹,「唔係想做就做到」。

關心你飯碗,貼近你生活,即Like「蘋果ATM」FB專頁!
BannerBanner