【壹週刊賣盤】黃浩:如戴「有色眼鏡」睇新老闆,冇資格留低!

更新時間 (HKT): 2017.07.17 18:00

黃浩今日接受本報訪問時表示,接手《壹週刊》後,方向一切照舊,繼續分Book A及Book B,「《壹週刊》最好嘅就係佢依家嘅嘢,你改太多就唔係《壹週刊》。」至於《忽然1周》「將會復活,起死回生」。

被問到會否裁員,「冇一個老闆想裁員,因為交易進行中,依家未答到你裁員、唔裁員、定增聘人手。」料一至兩個月內會有定案。不過,他表示,肯定會擴大「狗仔隊」人手。他亦表示,有信心令《壹週刊》轉虧為盈。

他指,「你揀人,人揀你,可能有啲人唔想過去新嘅Owner。有啲就可能傾完之後,都唔聽我講,咁我冇辦法,要請佢離開。」他表示,今次的交易將自己都押上,料到自己將面對不少困難。

他特別提到,不少人對他存有誤解,因此將會與員工溝通,冀交易完成後,會與同事逐一見面,以多作了解。「人嘅外表未必反映內心嘅一面,如果你係一個成功嘅人,或者係一個有胸襟有Vision,或者係一個資深傳媒人,根本唔應該用有色眼光去睇任何人,包括你嘅未來新老闆,或者你未來新同事,如果你係咁,你冇資格留喺《壹週刊》。」

記者:倪敏慧

關心你飯碗,貼近你生活,即Like「蘋果ATM」FB專頁!
BannerBanner