【電子錢包】印傭「姐姐」:冇乜香港人用 我哋好鍾意呀

更新時間 (HKT): 2017.08.06 11:08

TNG創辦人及行政總裁江慶恩表示,TNG在香港外藉勞工的電子滙款市場佔有率高達七成,自稱是市場龍頭大哥,「你出街搵個外傭就知架啦」。

星期日邊到最多菲傭、印傭?除咗菲律賓同印尼之外都應該都係中環、銅鑼灣。記者去到銅鑼灣訪問咗10個外傭「姐姐」,結果10個有8個都知道TNG呢個app,5個表示有使用。TNG在銅鑼灣及中環都設有攤位,方便用戶查詢及協助登記。

「我老闆話,呢個app好耐啦,香港人依家冇用啦」,在港工作咗8年嘅印尼女傭Sisi表示,因為見到香港人派傳單而知道TNG,用咗三個月,雖然依家冇乜香港人用,「依家印尼好多人用,好鍾意呀」,相信菲傭都唔少,介紹朋友登記成為用戶可以有100蚊回贈,之前只係得50蚊,已經有好多人登記咗。Sisi大讚TNG滙錢回鄉好方便,「好簡單啦,我哋唔駛去銀行排隊,唔駛去出邊,我地去7-11搞掂啦。」

另一位係香港做咗10年嘅印傭Simmi指,自己之前寄錢返印尼通常去印尼舖頭,但僱主屋企離街市好遠,依家用TNG寄錢可以去7-11增值,好方便。Simmi表示,因為朋友介紹先知道呢個app,依家除咗寄錢仲會用TNG買嘢。當日佢就喺營多Indo Market用TNG畀錢買嘢。

關心你飯碗,貼近你生活,即Like「蘋果ATM」FB專頁!
BannerBanner