【港股新高】買股定買樓?林一鳴:樓市無投資價值

更新時間 (HKT): 2018.01.17 19:14

港股今日創歷史新高,資深分析員林一鳴表示,「牛三暫時仲係中間階段,仲有好大上升動力,暫時都未見到真正的頂,升市莫估頂。」問及股民會否套現換樓,他就認為機會較小,「股市同樓市係兩個獨立市場,股市賺咗錢,去投資樓市,但樓市你要比15%印花稅,所以樓市暫時唔係投資的好時間。」

對於未來資金走勢,他指資金會繼續入股市,但就未必流向樓市,「現時香港的住宅市場,無任何投資價值,價格已經高,作為投資者,要比印花稅,接近7年租金,扣埋管理費,等2厘的回報,一個2厘的投資唔係一個好的投資,樓價上升的空間真係有限,所以投資的價值唔高,唔係一個投資的工具。」

至於樓價方面,他指「樓價會保持平穩,升到直至當香港跟隨美國加息之後,先會有個轉變,唔加息就會幾個百分比的上升空間。」他強調「現時樓價已經係全球最貴,最多微微窄幅上升。現時樓價唔會見到跌,除非香港銀行加息加幾多,加息前未有任何動力令樓價下跌。而影響樓價因素,有加息,供應,環球經濟,不過第2、第3因素就唔會有太大轉變。」

關心你飯碗,貼近你生活,即Like「蘋果ATM」FB專頁!
BannerBanner