【我為樓狂】凍齡婆婆幫孫撲新居 抽完新居屋再吼白居二

更新時間 (HKT): 2018.04.27 11:48

免補地價購買二手居屋的「白居二」及新居屋,早前截止申請反應踴躍,不少公屋客及白居二申請者恐怕希望落空,已四圍出擊搵盤,新界西區低水居屋成目標之一。

家住區內翠寧花園、樣貌仍保持年輕的梁小姐,由於孫兒出世,家裡增添成員,早前梁小姐女兒抽完房委會屯門翠鳴臺再抽新居屋,恐怕上車機會渺茫,近期幫愛女四出睇樓。她說「抽翠鳴臺佢(女兒)都有份揀呀,不過臨門一腳畀人掃晒,前一日就畀人揀晒,咁咪冇囉又要再諗過。」

即使抽到新居屋,樓價又貴過屯門,梁小姐說:「九龍新居屋銀碼都幾貴,如果佢地4個人住,基本上要2至3房,都要500多萬元,其實供樓唔難,係首期難」。

以兆麟苑為例,半年前放盤平均叫價每呎6,993元,近期叫價已升至7,537元,升幅7.7%。同區富健花園半年前每呎平均叫價6,916元,近期升至7,385元,升幅6.8%;龍門居半年前每呎平均叫價7,591元,近期升至7,927元,升幅4.4%。

關心你飯碗,貼近你生活,即Like「蘋果ATM」FB專頁!
BannerBanner