【ecjobs青雲路】從激勵演講 找到人生目標

更新時間 (HKT): 2018.07.11 10:50

踏入7月,暑假對一些學生來說是用來放鬆的時間,而對畢業生來說則提醒他們的身分正開始轉變,初踏入社會但好像找不到自己的位置,面對陌生的環境失卻了自信的從容。身為激勵演講家的Brian(車志健),擅長分享自己的故事及經驗,藉此影響別人,令他們重拾自信,找到自己的目標。《青雲路》在7月中舉辦的《職場大贏家》免費講座,便邀請了Brian擔任嘉賓,教導各畢業生如何提升自信,在職場上找到自己的成功之路。

作為Brian Cha Motivation創辦人的Brian,是一名激勵演講家,他說︰「好多人會疑問即係乜?簡單咁講,就係分享我嘅故事及經驗,令聽眾可以相信及明白人生係冇限制,改變佢哋嘅想法。例如初出社會工作嘅年輕人未必知有乜嘢目標,我會講目標係會推動你去前進,點樣設定目標,會令到個人嘅前途更清晰,及找到自己理想嘅工作。」

3年來,Brian發表過百場演講,現場聽眾超過50萬人,「職場上有啲人對前路唔太清晰,有啲係事業停滯不前唔知有乜嘢方法向前。會有公司激請我去為佢哋嘅員工做演講,而我亦會舉辦唔同主題嘅演講畀人報名參加,我希望透過我嘅演講,令大家可以得到啟發。」Brian激勵的話語吸引不少機構邀請他合作,包括Cartier、AIA、Manulife及旅發局等。

在準備的過程中,Brian表示除了體能受到挑戰外,思想亦要衝破不少阻礙,「當時平日要返工,每星期要抽3日嚟練習,一放工就趕去練習6至8個鐘,持續練習咗9個月,係幾辛苦;另外,身邊有好多人同我講話冇可能,之前個紀錄保持者係英國職業高爾夫球選手。最後我成功打破建力士世界紀錄,喺12小時內將9千幾個高爾夫球打進100碼特定嘅範圍內。」

15年,Brain與友人創立Brian Cha Motivation, 在初成立之際,Brain表示公司成績並不理想,「始終我嘅知名度唔夠,而打破紀錄嘅熱潮好快過去,喺15年我再成功挑戰多一個建力士世界紀錄;同時我哋每日都喺專頁分享文章、video,直到17年拍咗段〈成功人士絕對不會用的三句用語〉,喺網上瘋傳,facebook嘅follow人數喺短時間內由6千幾,升到2、3萬人,多咗人認識到我,呢個時候多咗公司邀請我做演講。」

由最初2人建立的Brian Cha Motivation,到現時變成有十多人的團隊,Brain表示計劃將事業更進一步發展,「除咗喺香港進行演講外,亦有其他國家嘅機構邀請我去演講,最近就去咗吉隆坡,嚟緊有計劃舉行亞洲巡迴演講,希望改變到更多嘅人;另外,自己亦準備緊打破多一項健力士世界紀錄,建立一個個更高嘅目標。」

搵好工,即上 http://www.ecjobs.com.hk

關心你飯碗,貼近你生活,即Like「蘋果ATM」FB專頁!
BannerBanner