【年金大揭秘】年金非十全十美 只適宜退休「包底」

更新時間 (HKT): 2018.07.25 18:15
有市場人士指,年金愈來愈流行時,應有最低披露規格,令市民能夠比較。

延期年金產品銷售的「精華」在於宣傳冊子的參考例子,運用「吸睛」技巧,例如年輕時開始供款期,隔了一段累積期後,年金65歲開始入袋,以永明「安逸自主年金計劃」為例,其例子顯示預期「年金率」達到9厘,若果100歲未死,總回報以5倍計。

比較平台10Life創辦人之一倫凱恩說:「好多保險公司會sell『年金率』呢樣嘢,比起內部回報率(IRR)一定高啲,但問題係年金率冇計過你究竟會拎幾多年錢。」

所謂年金率,實際是一年獲得的年金除以總繳保費,情況有如利息除以本金,不過不同的是保費不是本金,是不能取回的,年金率亦未有計入壽命因素。

至於預期總回報,壞處是無視時間值,例如從嬰孩時期開始供款,65歲至85歲期間獲得的年金,將會有非常駭人的增幅,原因是年金滾存時期長,惟這類產品投入期長,難以總回報斷定這項「投資」具有理想回報,IRR則能夠反映實況。

若果以永明的條款推算,以85歲人均死亡年齡計算,其保證IRR為2.4%,預期IRR為4%。

另一創辦人倫沛然批評,延期年金這種退休用的產品,在披露上沒有規格可言,「我哋計回報,只係睇住宣傳冊子提供嘅例子,好難去sync條數去比較,年金愈嚟愈流行嘅時候,一定要有個最低披露規格,例如按某個假設身故年齡,計算年金嘅IRR。」

他又指年金是長期產品,「可能你20年至30年後拎年金先知(出事),或者苦主自己都唔知,原來筆錢已經傳咗去下一代,拎得雞碎咁少。」

至於年金的通脹風險,倫沛然指沒有一隻金融產品十全十美,「年金最好就係有包底作用,提供最基本嘅開支,但佢做唔到upside(盈利),如果只係買股票,就冇得包底,我哋成日都講,好嘅理財顧問係有一系列產品滿足需要。」

關心你飯碗,貼近你生活,即Like「蘋果ATM」FB專頁!
BannerBanner