【Startup鬥室】AR兄弟萬元創業 :我唔會去大灣區

更新時間 (HKT): 2018.11.04 11:22

提到AR(擴增實境)科技及VR(虛擬實境)科技,大家可能會想手機遊戲《Pokemon Go》,或家庭式電腦遊戲。不過Tom(湯冠華)與Kim(袁曉儉)都認為,這兩項科技不只應該運用於遊戲上,AR及VR對教育及日常生活的發展潛力極大,所以成立科技公司Softmind。

Tom原本科技公司工作,4年前Google剛推出Cardboard,他意識到AR及VR科技在教育及保育方面極具發展潛力。於是與在共享空間認識的Kim合作,以不足1萬元成本創立Softmind。

現時,Softmind正與數間學校合作,製作教材。「學生而家睇古代嘅詩,蘭亭集序,好悶架嘛…AR、VR可以具體生動咁去將抽象嘅教學概念用呈現出嚟」。雖然教育市場可以提供穩定收入,但公司每月只有5至6位數收入,而且政府資助並不多,花光後又不肯定再有資助,令Tom擔心公司短期會支持不住。

Softmind在數月前獲華懋注視,並將AR、VR科技應用於本屆「華懋行」中,還原馬鞍山石礦場的舊貌。不過Kim表示初創公司越級挑戰並不容易,一般技術成熟的科技公司,會以工作量來衡量定價。「我地其實接Project嗰陣未知點做,所以要花兩、三個月研究」。

儘管公司成立大半年已經得到華懋青睞,但Tom指自己與伙伴有共識,現階段以教育為主,盡可能維持穩定收入,並不會以賺大錢為目標。「除咗賺錢以外都想做返有意義嘅野」。同時間亦不希望公司業務急速擴展,未來主要發展自己的項目。「因為細公司嘅發展階段係開心啲,規模愈大,煩嘅野愈多。」

二人去年以AR說明書在「數碼通Hackathon」比賽上獲獎,Tom表示AR說明書是屬於一個應用層面,未來亦會循這方去前進。例如AR說明書可以令手機識別出指定咖啡機,再協助使用者操作,如清洗機械。「傳統可能查返啲文件,睇好厚嘅說明書」。

Tom亦指,香港近年創科環境有進步,不過就未被市民所接受。「香港一般市民普遍接收訊息都係外國成熟嘅產品,令不少技術成熟的本地創新產品,未受市場認識。」他又表示,自己曾考慮出走外國,但現香港業務尚未穩定,只要業務穩定下來,東歐或東南亞等地會是首選,因為當地有不少優秀程式人員。而大灣區則無留意。「我思維比較特別,如果大部分人都留意,我就唔留意…類似人做我唔做嘅心態。」

關心你飯碗,貼近你生活,即Like「蘋果ATM」FB專頁!
BannerBanner