【珠璣妙語】給媽媽送上 設計盛宴(Mini Cheung)

更新時間 (HKT): 2018.12.21 17:00

我清楚記得,我人生第一個bespoke service。一個30出頭嘅少女,一身仙氣來到我鋪頭,要求我為佢一粒寶石做戒指設計。適逢聖誕,忙得不可開交,加上獨身一人打理,自問要求高的我,本身打算禮貌推搪。

我依稀記得,另外有位滿身仙氣嘅女仔叫Flora ,佢拿出一個唔起眼的普通盒,當盒子一打開嘅時候,我有少少愕然,入面閃爍着異常藍色嘅光芒,即使鋪頭嘅燈光唔算太華麗,寶石已經本身散發着一種特殊嘅氣質,令我目瞪口呆。

Tourmaline本身是價格較低的寶石,但呢粒命名為Paraiba的Tourmaline(帕拉伊巴碧璽)截然不同,同樣盛產於巴西,身價比起鑽石珍貴許多。1982年在巴西Paraiba州內被發現,當開始為人熟悉後,許多人爭相湧入呢個小山頭開採挖掘,直至1990年產權發生糾紛暫停生產,令到其價格節節上升,成為珠寶界嘅新星。一般Tourmaline入邊含有鐵元素,而Paraiba的顏色係微量元素銅和錳,所以擁有飽滿豐富且華麗獨特的藍綠色調。一般質素的Paraiba每carat達5位數字美金。當中不少像Dior和Chopard的大牌子都紛紛爭奪這一粒驚世寶石去為它穿上嫁衣。

Flora繼續和我講述,呢一粒寶石係佢從拍賣行拍賣所得,重量達到4.78ct,因為寶石極之罕有,加上係為Flora的媽媽70歲大壽所用,最終佢決定棄用大公司,搵我做一個大膽而華麗的設計。

本身想推搪嘅念頭馬上打消,拿起寶石我一而再再二三地檢查,對住證書逐一查看細節。和Flora用溫柔的聲線細說她和媽媽的故事。

設計最終以Emerald 和Pink Diamond,再以16粒的D色vvs的Pear-shape cut做襯托,16代表女兒的出生日子,相信這是女兒送給媽媽最美的一道彩虹。試問人生有幾多次可以為Paraiba穿上新衣,從Flora那個相信和堅定的眼神,我就知道,今次我可以享受這一場設計的盛宴。

關心你飯碗,貼近你生活,即Like「蘋果ATM」FB專頁!
BannerBanner