【CanBank】原來駕駛人土都鍾意P(散子)

更新時間 (HKT): 2019.02.25 15:00
(蘋果日報)

好少人會對英文字母無乜興趣,如果要揀一個最喜愛英文字母,就好似中文咁,點、橫、豎、撇、捺,相信唔少人會同筆者一樣,基本上揀唔到出嚟,不過,將字母放在車牌上,唔少人腦中即刻浮起Idea,放邊個字母最符合個人風格。

運輸署每年舉行農曆年自訂車牌拍賣,並會將部份估計成交價較高嘅自訂車牌,安排於農曆年進行拍賣,拍賣會舉行至今,若以純英文字母計,「V」可謂至今港人最喜愛字母,因為它在2017年新春車牌拍賣會成交價高達1300萬元,係歷來第三貴的車牌,而「VV」成交價亦達到930萬,亦係至兩個相同字母車牌中成交價最高的。

不過運輸署咁多年以來都只係拎得一個單一英文字母車牌出嚟拍,其他都只係兩個相同或三個相同英文字母的配搭,不妨參考吓兩個相同英文字母嘅車牌成交價,估吓下一個天價車牌誰屬,運輸署多年來先後推出八對相同英文字母車牌出嚟拍賣,分別是「KK」、「GG」、「EE」、「ZZ」、「MM」、「VV」以及「PP」;八對中字母車牌中成交價第二價竟然係「PP」,剛在周日農曆年拍賣會賣出成交價600萬,事實上,運輸署在2016年推出「PPP」成交價已達到53萬元,估唔到駕駛人士咁鍾意「P」。

至於成交價最低嘅係「EE」,只係得26萬,在玩味較重嘅車牌組別嘅車主,可能比較少人覺得「EE」揸車都可以好型;反而值得留意嘅係兩對成交過百萬嘅字母「ZZ」及「MM」,在2012年及2014年拍賣會成交價分別係125萬及152萬;相信運輸署在推出「Z」及「M」成交價都不會太低。其次值得留意的是「L」,因為「LL」在2011年拍賣上成交價已達到80萬。傳統「A」、「B」及「X」呢啲受歡迎字母拎出嚟拍,成交價可能更高。

散子

關心你飯碗,貼近你生活,即Like「蘋果ATM」FB專頁!
BannerBanner