【李華華Online】《蘋果》記者奪恒大商業新聞獎 「動畫影片讓讀者明白更多」

更新時間 (HKT): 2019.04.15 20:12
陳家恩(Teresa)及周家誠(Gary)以「Fintech Jargon系列」動畫影片,獲頒今年「最佳商業新聞視線設計獎(動態)」。

已經嚟到第3屆嘅「恒大商業新聞獎」,《蘋果日報》財經版記者陳家恩(Teresa)及周家誠(Gary)以「Fintech Jargon系列」動畫影片,獲頒今年「最佳商業新聞視線設計獎(動態)」,得獎作品係以輕鬆嘅手法,用動畫解構複雜嘅金融科技術語。

評審之一嘅九巴企業策劃及業務發展總經理蘇偉基話,報道「利用圖像和貼地的對白清楚說明基本概念,值得一讚」。

Teresa致謝辭提到金融科技其實無想像中咁深奧,大家日常生活都好易接觸到,用淺白易明嘅比喻,係希望令讀者明白引起興趣之後了解更多。

今次頒獎典禮另一個亮點係恒生大學今年請咗財爺陳茂波做主禮嘉賓,佢話自己係財經新聞粉絲,會save低有參考價值嘅文章,又話好嘅新聞建基於資訊自由,華華希望政府唔好得個講字。

重溫得獎作品:

關心你飯碗,貼近你生活,即Like「蘋果ATM」FB專頁!
BannerBanner