【創業起義】企業應如何Be Water?(尹思哲)

更新時間 (HKT): 2019.07.30 18:00
國務院記者會嘅重點,係沒有反對成立獨立調查委員會,而我相信,委員會將會由接棒的新特首成立,有份打市民的濫權警員,將係不久嘅將來被繩之於法。

上個周末,同創辦人H吹水,佢忽然講起,如果可以將Be Water應用喺商界,就真係真心厲害!

點知到咗晚黑,啲市民明明已經Be Water,好似潮水咁要退,勢估唔到,仲要俾警察追入西鐵站,打鑊甘。除咗O嘴,我真係冇咩好講。香港警察由公僕變暴徒,揼米飯班主,相信每位交咗差餉的市民,條氣都一定唔順。

但如果唔退,相信會更加死傷慘重,Be Water已經發揮功用,把傷害減到最低。

呢兩個月,香港人向全世界展示了一種全新沒有領袖的抗爭模式:Be Water同冇大台。呢套武功,如果套落去商界運作邏輯去理解,前者會係經營策略,後者就係公司架構及管治方式。老友高建,創辦咗Likecoin,佢月頭喺立場出文,寫區塊鏈式社會運動,篇文可讀性極高,我認為亦解釋了冇大台的商業含意。

高建引述以太坊的創辦人Vitalik Buterin,其對區塊鏈的經典解說,去中心化(decentralization)亦即冇大台的三條主軸:架構、政治、邏輯。傳統企業基本上都有一個總部、一個行政總裁、一種企業文化,三件事同屬中心化,都係中央集權、由上而下方式的組織。

冇大台的重點,不在於沒人領軍,而是即使沒有總部、沒有一位行政總裁,公司組織上下仍能有效運作,仍能取得共識,確立全認同的企業文化、朝著同一方向努力作出貢獻。但實際操作上,組織咁多個體,能力各有不同,點至可以達成共識、群策群力,完成複雜的任務?由高建開發的Likechain讚賞鏈,提出了權益證明(Proof of Stake)機制:量化各成員的貢獻度,並以此作為投票權,去確認每一個共識。當有有三分之二以上票支持的方案,就會成為共識,整個生態跟隨。

相反而言,紀律部隊例如警隊,就是由上而下管治的最典型,上級下達命令,前線不用自己思考,毋須用腦,只管嚴格執行命令就得。

呢個六七月,兩種截然不同的勢力交鋒,象徵意義十分巨大。噚日國務院記者會嘅重點,係沒有反對成立獨立調查委員會,而我相信,委員會將會由接棒的新特首成立,有份打市民的濫權警員,將喺不久嘅將來被繩之於法。

關心你飯碗,貼近你生活,即Like「蘋果ATM」FB專頁!
BannerBanner