「小飛俠」林燕玲離開麗新 自立門戶做老闆:諗咗好耐,決定付諸實行

更新時間 (HKT): 2019.08.23 22:26

有「小飛俠」之稱的林燕玲(Ruby),最近已辭任麗新集團傳訊事務副總裁一職,唔做打工仔,轉去開公司做老闆。

Ruby話,早喺三至四個星期前,已經喺麗新last day,現已全情投入發展「小飛俠工作室」。Ruby自2015年就加入麗新,四年後今日就決定離開,講到原因,佢就話「其實喺上一份工,做咗一兩年時,已經諗如果裝備好自己,自己覺得係時候,我就會離開嗰間公司啦。」佢就話過去幾年,都已經儲咗唔少經驗,覺得自己準備好,而家係時間自己出去闖吓,「其實我諗咗好耐,點解唔去付諸實行?因為你永遠搵唔到最好嘅時間畀自己,只能夠搵最適合嘅時間。」

Ruby喺2017年與同屬金融人嘅葉浩文拉埋天窗,被問到今次決定自立門戶,與家庭有冇關時,佢就話,「你唔講又唔覺,講咗又覺得有關係,因為結婚咗後,係想時間可以彈性啲,更易掌握自己生活節奏。」工作由自己安排,可令自己有更多發展空間。

關心你飯碗,貼近你生活,即Like「蘋果ATM」FB專頁!
BannerBanner