【逆權●商路】的士業一日唔見400萬?良心司機︰社會要畀多啲同情心

更新時間 (HKT): 2019.09.19 06:00

逆權運動至今超過3個月,不時有的士司機大罵示威抗爭影響生計,連帶的士牌價亦向下,由年初高位561萬元至今下跌9%,最新香港的士交易所資料顯示,市區紅的牌價約為510萬元。

為打探的士行業,記者坐足一星期的士,以乘客身份與司機大佬盡訴心中情。在密封的車廂內,記者遇到黃黃、藍藍司機:有慈父司機,會呼籲社會同情抗爭者;亦有勤力開工的年輕司機,甘願義載;但當然,有正必有反,有司機埋怨示威令「的士業一日唔見400萬元」。

慈父︰睇到啲片都覺得心悒,啲警察係咁亂棍咁毆。冇獨立調查嘅話,連普遍市民都接受唔到,何況係抗爭者。

答︰晚晚出嚟,玩到幾時先夠。即係我而家表達緊手停口停嘅打工仔意見。我唔知你點睇啦,你有返過大陸嘛。大陸有咩唔好,繁榮昌盛,只係你哋唔鍾意咋嘛。

答︰好多老一輩唔諗,鬧咗先,即係我哋揸的士嘅,個個都係為搵錢咋嘛,你阻佢搵食咪即係等於殺佢父母,好多都唔諗㗎。

關心你飯碗,貼近你生活,即Like「蘋果ATM」FB專頁!
BannerBanner