【即睇!亂市投資攻略】沈大師預言「恒指攬炒價」:最差2萬點!

更新時間 (HKT): 2019.09.23 21:02

《亂市投資攻略》第一場

蘋果動新聞聯乘瑞萬通博第二場《亂市投資攻略》講座將於9月28日(周六)下午三時舉行,想知道股榮推邊隻月供股票?想知道最新輪證部署?想問唐牛手頭上嗰隻細價股仲有無得炒?《亂市投資攻略》講座最後召集,立即報名!(報名網址: http://bit.ly/vontobelseminar)

首場《亂市投資攻略》講座上周五晚圓滿結束,訊匯證券行政總裁沈振盈大講「投資預言」、瑞萬通博上市產品銷售部董事葉文炘分享輪證攻略,蘋果日報投資專欄作家魏力亦大派冧巴,壹會員反應非常熱烈,唔少人開場前已經搵沈大師指點迷津,仲抄低投資貼士呀!

沈大師大講環球經濟,又話QE唔係靈丹妙藥,只係用嚟救股市、救資產,對經濟作用不大,長期做反而會損害經濟,仲要留意美國債務情況嚴重,警告大家要小心美元資產,切忌all-in,「通街要你唱美元?你哋就要諗,當通街叫你買股票,就係33,000點時,跟住會點?」。佢話恒指行緊熊市C浪,首站見23,000點,若「一次過爆晒出嚟」,最差會見20,000點,至於亂市下有乜好買?仲有咩投資機遇?詳情睇片啦!

亂市下有乜輪證部署?葉文炘話,最著數嘅選擇係「N類牛熊證」,收回價與行使價一樣,不設剩餘價值,槓桿會較R類牛熊證高,「投資者既然買得牛熊證都係求高槓桿,所以我先會話N類牛熊證係最著數嘅選擇!因為對投資者嚟講,整筆資金都買咗槓桿。」

唔少觀眾都好期待今期最熱炒板塊,魏力首推手機、汽車板塊,並推介兩隻強勢股,分別是舜宇光學(2382)及廣汽(2238),目標價、買入價係幾多?全晚壹會員都不停舉機影低星級名家嘅powerpoint、shopping list,仲密密抄筆記,就知大家當晚有得著啦!想知更多,留意周一晚上精彩重溫。

關心你飯碗,貼近你生活,即Like「蘋果ATM」FB專頁!
BannerBanner