【亂市投資攻略】預言「恒指攬炒價」2萬點 沈大師:未來5年 一定要揸黃金!

更新時間 (HKT): 2019.09.24 00:00

香港經濟環境內外交困,面對全球經濟增長放緩,中美貿易戰久未平息,逃犯條例修訂草案引發的牽連大波,亂世、亂市下散戶應該如何做投資部署?訊匯證券行政總裁沈振盈早前於蘋果動新聞聯乘瑞萬通博的首場《亂市投資攻略》講座上預言,恒指行緊熊市C浪,首站見23,000點,若「一次過爆晒出嚟」,最差會見20,000點。

沈振盈指出「量化寬鬆(QE)唔係靈丹妙藥,只係用嚟救股市、救資產,對經濟作用不大,長期做反而會損害經濟」,更要留意美國債務情況嚴重,警告大家要小心美元資產,「通街叫你唱美元?你哋就要諗,當通街叫你買股票,就係33,000點時,跟住會點?」,看好具抗禦力的金價,目標價睇1600美元,又指英鎊可以趁低級納。至於恒指走勢?沈振盈指,現時行緊熊市C浪,「依家一級級落緊,第一個位是23,000點,第二個位就惡劣啲,但係其實是好事嚟嘅,如果一次過爆晒出嚟,你預最低是20,000點。」

亂市下有何好投資機會,沈振盈指,A股是未來最佳投資。「A股如果可以配合人民幣在7.2至7.3水平開始做底,美元又轉跌,A股就有好大潛力上市。近兩年A股估值低殘,主要是受去槓桿影響,加上A股已經在2400點築底,即使未來港股再跌,A股亦會相對硬淨」。

瑞萬通博上市產品銷售部董事葉文炘分享輪證攻略,稱「最著數嘅選擇係N類牛熊證」,皆因收回價與行使價一樣,不設剩餘價值,槓桿會較R類牛熊證高,「投資者既然買得牛熊證都係求高槓桿,所以我先會話N類牛熊證係最著數嘅選擇,因為整筆資金都買咗槓桿。」

蘋果日報投資專欄作家魏力亦大派冧巴,首推手機、汽車板塊,並重點推介兩隻強勢股,分別是舜宇光學(2382)及廣汽(2238),目標價分別是。他續解釋,華為今年已推出兩部5G機,稱得上是領先5G換機潮流,鏡頭、模組供應商之一舜宇光學將能受惠,「華為新出手機是四鏡頭,分析員已經放風,遲早會變六鏡頭」,料首站睇126元,第二個目標價145元。

至於汽車股方面,他提到內地不少省份今年下半年起開始實行國家第六階段機動車污染物排放標準(國六標準),料未來將出現大規模「換車潮」,加上年初車廠經歷劈價潮,已清減部份庫存,加上取消限購國策扶持,料下半年情況或有好轉。廣汽近期徘徊在7.9元左右,魏力指,首站可以睇9.2元,再下一個目標價為10元。

蘋果動新聞聯乘瑞萬通博第二場《亂市投資攻略》講座將於9月28日(周六)下午三時舉行,想知道股榮推邊隻月供股票?想知道最新輪證部署?想知道手頭上嗰隻細價股仲有無得炒?最後召集,立即報名!(報名網址: http://bit.ly/vontobelseminar)

關心你飯碗,貼近你生活,即Like「蘋果ATM」FB專頁!
BannerBanner