【香港做島主?】「清水灣小島」1.68億放售 經紀:收call收到手軟

更新時間 (HKT): 2019.12.18 18:53
(資料來源:facebook筍盤一手新樓資訊網)

世界上最細嘅安全島真係買唔到,但Facebook群組「筍盤一手新樓資訊網」登出一則樓盤廣告,列明「清水灣小島」放售,聲稱「機遇只有一次」、「it's now or never」,地皮面積10,900方呎,叫價1.68億元。當中再hard sell「5分鐘到將軍澳」、「層層全海景」、「四面環海」、「360度全海景」,記者表明身份致電查詢,自稱是單位代理人的經紀A先生就話:「樓盤廣告一出,收call都收到手軟呀!(可否予本報拍攝?)業主想低調啲,唔畀人入去影相喎,除非好有好有誠意啦!」

不過根據相關資料,呢個「島」其實係指銀線灣以東嘅岩頭沙,睇Google map可見,要5分鐘去將軍澳,講真不可能,預算揸車去東港城,大約要10分鐘。至於所謂小島,亦並非真是四面環海,而是一段小路接駁西貢五塊田一帶村屋,情況就如屯門龍珠島的縮小版。就此「島」呢個定義,經紀A先生就回應:「你企上去,真係四周圍都係海!」

究竟係咪真係買得島?根據業界人士表示,如果是次出售業主擁有整個範圍業權,當然是買島。如果島上僅有1間屋,而周邊範圍都是官地,買入間屋猶如擁有個島,取巧來講,咪叫買島。實際上業權來講,只是擁有間屋的業權而並非整個島。如果島上屋外其他部份地皮屬私人擁有,咁即使你買咗島上唯一間屋,一旦周邊地皮業權人申請發展並獲批,咁,就真係買唔島。於是搵經紀A先生補充,暫時仲未聯絡到。

關心你飯碗,貼近你生活,即Like「蘋果ATM」FB專頁!
BannerBanner