【李華華Online】富二代浪子奪電視台小花芳心

更新時間 (HKT): 2020.03.04 20:48
一位富二代搭上美女記者,加上小生命成就完整的家庭。
(互聯網)

近排有粒橫跨政界、商界及新聞界嘅花生,脆卜卜。件事有啲似大劉同甘比愛情故事嘅翻版,話說一名富二代本身縱橫商界同政界,甚至脫離父蔭自行創立地產事業,走入政治大舞台,成為建制派嘅一員。呢位公子因緣巧合之下,遇上一位電視台美貌小花,追咗一段時間後兩人情投意合。

一位商界,一位新聞界,兩人因為政治而相遇,譜出一段戀曲,而呢段戀曲仲要係有第二章,就係兩人孕育咗一顆小生命,小花亦都因為咁無返工一段日子,成個電視台唔少人因為呢件事竊竊私語——有人覺得小花搵到個好歸宿,不過另一個角度睇呢位富二代浪子本身係一隻冇腳嘅雀仔,同風流嘅父親非常相似,唔少人擔心女仔受到傷害。

小花喺自己臉書上面就好開朗,坦承自己有段新嘅感情,有新嘅角色,希望自己每日進步,成為更好嘅自己。查實呢位小花本身笑容甜美、得得意意,都好得政界喜愛,所以唔係第一次同政治超新星拍拖,對上一次可追溯嘅係一位立法會票王,華華祝兩人今次會順利開花結果。

李華華

關心你飯碗,貼近你生活,即Like「蘋果ATM」FB專頁!
BannerBanner