【李華華Online】金融界女CEO拍片齊撐兩性平等

更新時間 (HKT): 2020.03.08 16:24
滙豐香港區行政總裁施穎茵係小組成員之一(影片截圖)。

趁住今日「三八婦女節」,金融界就有16位女CEO特登拍咗條片,宣揚兩性平等同推動職場多元,希望鼓勵更多女性投身金融業發揮所長。

呢16位巾幗不讓鬚眉嘅女CEO包括有來自銀行界嘅一姐,好似滙豐香港區CEO施穎茵、中銀香港副總裁龔楊恩慈同渣打香港CEO禤惠儀,另外仲有唔少分別來自保險界同發卡機構嘅女中豪傑,好似亞洲保險CEO黃子遜同AXA安盛香港CEO尹玄慧。佢地早係2016年已經組成一個小組義務推動金融服務業性別平等。小組每月或者隔月都會聚會,討論下點樣推動社會及商界尊重男女平等,又有同年青人分享成長同職場心得咁。

不過,根據婦女基金會2018年報告,金融業初級職位過半都係女性,高級行政人員職位就有三分之一,而可以晉身董事局只要兩成左右。滙豐香港CEO施穎茵作為小組成員之一,佢就話世界經濟論壇(WEF)估計要用80幾年先做到全球性別平等,所以一定要即刻坐言起行。好似滙豐之前已經簽署承諾書,到今年女性佔高級領導層成員比例將會達到30%。招聘高級職位時,又會要求獵頭公司提供數量均衡嘅男性同女性人選。至於公司支援方面,舊年就為新任母親同待產員工設置125間育兒室,希望女性員工係職場都有平等待遇。

關心你飯碗,貼近你生活,即Like「蘋果ATM」FB專頁!
BannerBanner