【武漢肺炎】六大博企拒提供大型酒店作隔離 賀一誠:澳門人記喺心入面

更新時間 (HKT): 2020.03.24 18:42
賀一誠表示,博企的表現,澳門人會睇喺眼入面、記喺心入面。

澳門行政長官賀一誠今早會面傳媒時批評,至今仍無博企願意提供綜合體內的大型酒店作為指定隔離酒店,對此感到失望。他呼籲六間博企,包括新濠國際(200)、永利澳門(1128)、澳博(880)、銀娛(027)、美高梅中國(2282)及金沙中國(1928)要承擔社會責任,「今次都係你哋大考,澳門人睇喺眼入面、記喺心入面」。

賀一誠被問到今次武漢肺炎,六間博企的表現會否在未來賭牌申請中加分?他指感謝博彩業在這次疫情中捐獻口罩,「但唔係話做幾張報紙宣傳下就係社會責任,唔係話送少少嘢出來就係社會責任」。今次疫情是對新一屆特區政府的大考,但也是對六間博企一個大考,認為博企要承擔社會責任。

他指,當地現時沒有確診個案,現階段不需要啟動民防機制,亦不會要求餐廳及賭場停業。

澳門6個賭牌將於2022年同時到期,主牌分別由澳博、永利、銀河娛樂持有;副牌則分別為金沙中國、美高梅、新濠博亞擁有。有分析指維持現狀機會較大,即依舊發出6個牌照,惟重新進行競投時,非博彩元素將佔更大比重,6間博企未必肯定能獲續牌,當中美資續牌機會料較低。

關心你飯碗,貼近你生活,即Like「蘋果ATM」FB專頁!
BannerBanner